"აფხაზეთი ევროსაბჭოსთან თანამშრომლობისთვის მზადაა, თუმცა საქართველოს გვერდის ავლით", - ამის შესახებ აფხაზეთის სეპარატისტული რეჟიმის ე. წ. პრემიერ-მინისტრმა სერგეი შამბამ სამხრეთ კავკასიის საკითხებში ევროსაბჭოს სპეციალურ წარმომადგენელ პიტერ სემნებთან შეხვედრის შემდეგ განაცხადა.
როგორც შამბამ შეხვედრაზე აღნიშნა, "ევროპული სტრუქტურების მხრიდან ოკუპაციის შესახებ გაკეთებული განცხადებების გარდა, კონკრეტულ საკითხზე საუბარი არ არის".
ამასთან, აფახაზი სეპარატისტების ე. წ. პრემიერის თქმით, აფხაზეთს დახმარება სჭირდება ჯანდაცვის, განათლების, თანამედროვე საკანალიზაციო და წყლის სისტემის, ასევე გარემოს დაცვის პროექტების განხორციელბაში.
"გვჭირდება კადრების მომზადება თანამედროვე სამედიცინო ცენტრებისთვის, თანამედროვე ტექნიკით აღჭურვა, ასევე პრობლემების გადაჭრა ნარკომანიისა და შიდსთან დაკავშირებით. მსგავსი ჰუმანიტარული საკითხები ევროსაბჭოს წარმომადგელებთან შეხვედრაზე არაერთხელ დავაყენეთ", - აღნიშნა შამბამ.
