"მიხეილ სააკაშვილის განცხადებებზე კომენტარს არ გავაკეთებ. ჩვენ მის ტელეხიდთან დაკავშირებით განცხადება უკვე გავავრცელეთ", - განუცხადა "ჯი-ეიჩ-ენს'" კიწმარიშვილმა.

შეგახსენებთ, რომ საქართველოს პრეზიდენტმა ორი დღის წინ გამართულ ტელეხიდისას განაცხადა, რთ-ერთი ტელევიზიის მფლობელმა, რომელიც სულ ლანძაღავდა, ბიზნესები მოსთხოვა.

"დემოკრატიის უმაღლესი მწვერვალი ის არ არის, როცა ბიზნესმენს აქვს რომელიმე ტელევიზია. მახსოვს, როცა ერთ-ერთი თქვენთვის ნაცნობი ტელევიზიის მფლობელი, რომელიც სულ გვლანძღავდა, გამოგვეცხადა და გვითხრა, - მე მაქვს პირობები, მინდა ბიზნესებიო. ჩვენ მივეცით საშუალება, ჩამოეწერა, რა ბიზნესები უნდოდა ჰქონოდა მას საქართველოში და ფურცლის ორივე მხარე გაავსო. არც ესაა დემოკრატია მთლად. დემოკრატიის იდეალური ფორმა არ არსებობს, მაგრამ ყველაფერი უნდა იყოს გამჭვირვალე და მერე ხალხი მიიღებს გადაწყვეტილებას", - განაცხადა სააკაშვილმა, რომელმაც მართალია არ დააკონკრეტა, თუმცა ირიბი მინიშნება სწორედ ეროსი კიწმარიშვილზე გააკეთა.