საქართველოს ადვოკატთა ასოციაციის თავმჯდომარე ნორვეგიის კანონის უზენაესობის მისიას შეხვდა, სადაც განიხილეს ადვოკატთა ასოციაციის ჩართულობის საკითხი სასამართლო პროცესის მონაწილეთა ფორუმში, რომელიც თებერვალში, ქ, ქუთაისში გაიმართება.
ფორუმში მონაწილეობას მიიღებენ მოსამართლე, ან განსაზღვრული სასამართლოს (ან სასამართლოს დეპარტამენტის ან სპეციალური კოლეგიის) მოსამართლეები, ასევე მოცემულ სასამართლოში გამომსვლელი ადვოკატები და პროკურორები.
შეხვედრათა მიზანი იმ საკითხებისა და პრობლემების განხილვაა, რაც ყველა მხარეს აწუხებს იმისათვის, რომ მოხდეს პრობლემის გადაჭრის გზების ერთობლივად ძიება და ურთიერთგაგებისა და პატივისცემის გაღრმავების ხელშეწყობა. როგორც ადვოკატთა ასოციაციაში აცხადებენ, ამგვარი შეხვედრები დაეხმარება მოსამართლეებს, ადვოკატებსა და პროკურორებს პირადად გაიცნონ ერთმანეთი. მსგავსი ფორუმების გარეშე პრობლემები უფრო ღრმავდება, რამაც შესაძლოა გამოიწვიოს უსაფუძვლო მითქმა-მოთქმა, რაც ყველასთვის ართულებს მუშაობის პროცესს.
ამგვარი ფორუმები საშუალებას აძლევს ადვოკატებსა და პროკურორებს აღნიშნონ ის პრობლემები, რაც მათ საქმიანობას ართულებს. ეს შესაძლოა უკავშირდებოდეს სხდომათა ჩანიშვნას, ან სასამართლო პროცესებისთვის გამოყოფილი დროის ოდენობას, ან სასამართლოს თანამშრომლებთან ურთიერთობისას წარმოშობილ პრობლემებს. ეს არის მათი შანსი ისაუბრონ არსებულ პრობლემატურ საკითხებზე.
ფორუმთა გამართვის სიხშირე დამოკიდებულია იმაზე, თუ რა საჭიროება არსებობს და რა საკითხებია განსახილველი.
საქართველოში, ფორუმის ფარგლებში, უკვე გაიმართა შეხვედრები რუსთავში და მცხეთაში სისხლის სამართლის საპროცესო კოდექსსთან დაკავშირებით.
