2010 წელს "საქართველოს ბანკის" წმინდა მოგებამ, რეკორდულ მაჩვენებელს, 91 მილიონ ლარს მიაღწია, ამის შესახებ ბანკის 2010 წლის ფინანსური წლის შეჯამებისას გახდა ცნობილი. ბანკის 2010 წლის მოგება სამჯერ აღემატება 2009 წლის წმინდა მოგებას.
2010 წელს, ბანკის შემოსავალი გაიზარდა 12,2 პროცენტით 2009 წელთან შედარებით და 283.5 მილიონი ლარი შეადგინა.
შემოსავალის ზრდა განაპირობა წმინდა საპროცენტო შემოსავლის ზრდამ 7,1 პროცენტით და წმინდა არასაპროცენტო შემოსავლის ზრდამ 26,2 პროცენტით, 2009 წელთან შედარებით.
2010 წელს საოპერაციო ხარჯებმა 133.2 მილიონი ლარი შეადგინა, რაც 2009 წელთან შედარებით 9 პროცენტითაა გაზრდილი და გამოწვეულია ბიზნეს აქტივობისა და დაკრედიტების ზრდით.
ბანკის მთლიანმა აქტივობამ 2010 წელი 31 დეკემბრის მდგომარეობით 3.,9 მილიარდი ლარი შეადგინა და 2009 წელთან შედარებით თითქმის 39 პროცენტით გაიზარდა. ბანკის წმინდა სესხები, 2009 წელთან შედარებით 37,1 პროცენტით გაიზარდა და 2,2 მილიარდ ლარზე მეტი შეადგინა. აქედან საცალო საბანკო საქმიანობის წმინდა სესხებმა 974,3 მილიონი ლარი შეადგინა, რაც 32,2 პროცენტითაა გაზრდილი 2009 წელთან შედარებით, ხოლო კორპორატიული საბანკო საქმიანობის წმინდა სესხები 4,4 პროცენტით გაიზარდა და 1,2 მილიარდი ლარი შეადგინა.
2010 წლის ბოლოს, ბანკის კლიენტთა დეპოზიტებმა შეადგინა 1,8 მილიარდი ლარი, რაც წარმოადგენს 681,7 მილიონი ლარით ზრდას წლის დასაწყისიდან და 60,5 პროცენტიან ზრდას 2009 წელთან შედარებით. Aქედან, საცალო საბანკო საქმიანობის კლიენტთა დეპოზიტები გაიზარდა თითქმის 44 პროცენტით და 2009 წელთან შედარებით და დაახლოებით 541 მილიონი ლარი შეადგინა, ხოლო კორპორატიული საბანკო მოსმახურების კლიენტთა დეპოზიტები გაიზარდა 71,2 პროცენტით 2009 წელთან შედარებით და 1,0 მილიარდი ლარი შეადგინა.
დაგროვილი ქონების მართვის კლიენტთა დეპოზიტები 261,1 მილიონ ლარს გაუტოლდა, რაც 60,4 პროცენტიანი ზრდაა 2009 წელთან შედარებით. მათ შორის, უცხოელი კლიენტებიდან მოზიდულმა სახსრებმა შეადგინა დეპოზიტების 65,3 პროცენტი და 2010 წლის ბოლოსათვის 170,7 მილიონ ლარს გაუტოლდა.
2010 წლის ცალკეული კომპანიებისა და მიმართულებების ფინანსური შედეგები შემდეგია: ექსკლუზიურ პერსონალურ საბანკო მოსმახურება შOLO-ს 2010 წლის ბოლოსთვის 2,303 კლიენტი ჰყავდა.
2010 წლის 31 დეკემბრის მდგომარეობით, შMშ სესხის მეშვეობით გაიცა 5,9 მილიონი ლარის მოცულობის სესხი. ბანკის განახლებული განვადების მომსახურებით მომხმარებელმა, 2010 წლის 31 დეკემბრის მდგომარეობით, 6,5 მილიონი ლარის მოცულობის სესხით ისარგებლა. ნახმარი ავტომობილის ახლით ჩანაცვლებისა და "ტესტ-დრაივის" მომსახურების ფარგლებში გაიცა 9,2 მილიონი ლარის მოცულობის სესხი. შედეგად ავტო სესხის გაცემა აღინიშნა კვარტალური ზრდით 33,3 პროცენტით. მიკრო სესხების პორტფელი გაიზარდა 141,1 პროცენტით 2009 წელთან შედარებით და 238,4 მილიონი ლარი შეადგინა.
"2010 წელს "საქართველოს ბანკმა" 600 მილიონი ლარით საქართველოს ეკონომიკის დაკრედიტება გაზარდა. ეს ნიშნავს იმას, რომ საქართველოში გასულ წელს ბევრ მცირე და საშუალო ზომის კომპანიას, ისევე როგორც ფიზიკურ პირს შესაძლებლობა მიეცა მიეღო ბანკის კრედიტი. ამასთან, ერთად 2010 წელს "საქართველოს ბანკი" ბევრად უფრო სწრაფად გაიზარდა, ვიდრე ქვეყნის საბანკო სექტორი.
ბანკის სესხები 37,1 პროცენტით, ხოლო კლიენტთა დეპოზიტები 60,5 პროცენტით გაიზარდა. შედეგად 2009 წლის ბოლოდან, ბანკმა მოიგო 4,1 პროცენტი საბაზრო წილი მთლიანი სესხების, თითქმის 4 პროცენტი საბაზრო წილი კლიენტთა დეპოზიტებისა და 3,2 საბაზრო წილი მთლიანი აქტივების მიხედვით.
2010 წლის ბოლოსთვის, ბანკმა მიაღწია ისტორიულად ყველაზე მათალ საბაზრო წილის მაჩვენებელს სესხების, დეპოზიტებისა და მთლიანი აქტივების მიხედვით: 3,6 პროცენტამდე, 32,2 და 36,2 შესაბამისად. ასეთი მნიშვნელოვანი წარმატება განაპირობა იმ ფაქტორმა, რომ "საქართველოს ბანკი' ძლიერ პოზიციაზე მყოფი გამოვიდა კრიზისიდან და კიდევ უფრო დინამიურად განაგრძო განვითარება.
აღსანიშნავია, რომ ბანკის წარმატება აღიარეს საერთაშორისო ინვესტორებმაც, რაც აისახა კიდევაც "საქართველოს ბანკის' აქციის ფასზე, ლონდონის საფონდო ბირჟაზე. 2010 წლის დასაწყისიდან 2010 წლის ბოლომდე, "საქართველოს ბანკის' აქციის ფასი 140 პროცენტით გაიზარდა, 8,4 ასშ დოლარიდან 20,2 აშშ დოლარამდე", - განაცხადა "საქართველოს ბანკის" გენერალურმა დირექტორმა ირაკლი გილაურმა.