"ნავთობპროდუქტების იმპორტიორთა კავშირმა" ნავთობპროდუქტების ბიზნეს-სექტორში 2010 წლის მსხვილი გადამხდელები და წარმატებული კომპანიები გამოავლინა.
დაჯილდოების ცერემონია სასტუმრო "რედისონ ბლუ ივერიაში" გაიმართა.
2010 წლის შედეგებით ნავთობპროდუქტების სექტორში სახელმწიფო ბიუჯეტში ყველაზე მსხვილი გადამხდელი ორგანიზაცია:
I ადგილი - ,,სოკარ ჯორჯია პეტროლეუმი", რომელმაც ბიუჯეტში 2010 წლის განმავლობაში 150 მლნ. ლარი გადაიხადა;
II ადგილი ,,რომპეტროლ საქართველო" - 78 მლნ. 346 ათას 73 ლარი;
III ადგილი ,,ლუკოილ ჯორჯია" - 69 მლნ. 501 ათას 165 ლარი.
სახელმწიფო ბიუჯეტში მსხვილი გადამხდელი ზეთებისა და საცხებ-საპოხი მასალების იმპორტიორი კომპანიად ,,Gთ GღOUP"-ს დასახელდა, რომელმაც ბიუჯეტში 2 მლნ. 582 ათას 294 ლარის გადასახადი გადაიხადა.
ნავთობკომპანია, რომელსაც ყველაზე მეტი ადამიანი ჰყავს დასაქმებული, აღნიშნულ ნომინაციაში გამარჯვებულად ,,ვისოლ პეტროლიუმ ჯორჯია" დასახელდა, სადაც დასაქმებულია 2 436 პირი.
"ნავთობპროდუქტების იმპორტიორთა კავშირმა" 2010 წლის ყველაზე მსხვილ ინვესტორად ,,სოკარ ჯორჯია პეტროლეუმი" დაასეხლა, რომელმაც 2010 წელს ქვეყააში 52 მლნ ლარის ინვესტიცია განახორციელა.
ავტოგასამართი სადგურების ყველაზე ფართო ქსელის მქონე კომპანიად ,,ვისოლ პეტროლიუმ ჯორჯია" დასახელდა, 90 ავტოგასამართი სადგურით.
საუკეთესო ინფრასტრუქტურის მქონე ავტოგასამართი სადგურების ქსელის მიხედვით და 2010 წლის შედეგების შეჯამებით, ,,სოკარ ჯორჯია პეტროლიუმმა" გაიმარჯვა.
ნომინაციაში ნავთობპროდუქტების ბიზნეს-სექტორის სტაბილურ კომპანიებად ,,ლუკოილ ჯორჯია" და ,,ეკო ჯორჯია" დასახელდნენ.
საუკეთესო ინფრასტრუქტურის მქონე ნავთობისა და ნავთობპროდუქტების საზღვაო ტერმინალად ,,შავი ზღვის ტერმინალი" (ყულევი), ხოლო საუკეთესო ინფრასტრუქტურის მქონე ნავთობისა და ნავთობპროდუქტების სახმელეთო ტერმინალად ,,ვისოლ პეტროლიუმ ჯორჯია" დასახელდა.
ნავთობკომპანია, რომელიც ყველაზე დიდი ხნის განმავლობაში ოპერირებს საქართველოს ბაზარზე, ,,ლუკოილ ჯორჯია" გახდა, ხოლო საგზაო ბიტუმის მსხვილი იმპორტიორი და რეალიზატორი კომპანიად ,,ფასტ პლიუსი"დასახელდა.
თხევადი აირის მსხვილი იმპორტიორი და რეალიზატორი კომპანიად ,,სანმაქსი", ქველმოქმედი კომპანიას ,,სოკარ ჯორჯია პეტროლეუმი", ,,ვისოლ პეტროლიუმ ჯორჯია", ,,ლუკოილ ჯორჯია", ,,რომპეტროლ საქართველო" და ,,Gთ GღOUP" დასახელდნენ.
2010 წელს ენერგეტიკული საკითხების გაშუქებისათვის ტელეკომპანია ,,რუსთავი 2" და გაზეთი ,,რეზონანსი" დასახელდნენ.
ავტოგასამართი სადგურის ყველაზე უხუცეს მენეჯერად კი კუკური დარსაძე დასახელდა.