27 იანვარს, 13:00 საათზე, საქართველოს ენერგეტკის სამინისტროში ენგური/ვარდნილი ჰესების რეაბილიტაციისთვის, ევროკავშირის მიერ გრანტის სახით 5 მილიონი ევროს გამოყოფის შესახებ ხელშეკრულება გაფორმდება.
ხელშეკრულებას ხელს მოაწერენ საქართველოს ენერგეტიკის მინისტრი ალექსანდრე ხეთგური და ევროკავშირის წარმომადგენლობის ხელმძღვანელი ფილიპ დიმიტროვი.
ხელშეკრულებით გათვალისწინებულია ენგურჰესის კაშხლის უსაფრთხოების გაზრდა ვარდნილჰესების კასკადის რეაბილიტაციის გზით;
ენგურჰესის კაშხლის 1-ლი და მე-5 აგრეგატების სრული რეაბილიტაცია რის შედეგადაც ელექტროენერგიის წარმოება თითოეული აგრეგატიდან 30%-ით გაიზრდება. 5 მილიონი ევროდან 4 მილიონი მოხმარდება ვარდნილჰესამდე მისასვლელი გზის შეკეთებას და საინჟინრო სამუშაოებს ვარდნილჰესის სადერივაციო არხზე.
1 მილიონი გათვალისწინებულია პროექტის ზედამხედველობისა და მონიტორინგისთვის, რომელსაც, ევროკავშირთან სპეციალური შეთანხმების საფუძველზე, განახორციელებს ევროპის რეკონსტრუქციის და განვითარების ბანკი.