"ქართული პარტია" სამგორის რაიონის ნასაგურის დასახლების მცხოვრებლებისთვის სასმელი წყლის პრობლემის გადაჭრას მოითხოვს.
პარტიის ერთ-ერთი ლიდერი სოფიო ხორგუანი ნასაგურელების პრობლემას დღეს ადგილზე გაეცნო. როგორც მოსახლეობა აცხადებს, წყალს ტალახი, ჭიაყელები მოჰყვება.
"წყალი სასმელად უვარგისია. ის დაბინძურებულია, რადგან ფეკალური მასები ერევა. მოჰყვება ტალახი და ჭიაყელები", - აცხადებენ დასახლების მაცხოვრებლები.
"ქართული პარტიის" ინფორმაციით, ნასაგურში, მაჩაბლის ქუჩაზე, წელიწადზე მეტია სარწყავი არხის გახეთქილი მილიდან მთელ ქუჩაზე ნიაღვარი მიედინება.
თბილისის შემადგენლობაში ნასაგური საპარლამენტო არჩევნების წინა პერიოდში შევიდა.