მათი იქ ყოფნა და ის აგრესია, რასაც ისინი აფრქვევენ, არაფრით განსხვავდება რუსული ტანკებისგან, - ამის შესახებ „ქართული ოცნების“ წევრმა ნინო წილოსანმა ტელეკომპანია „იმედის“ ეთერში განაცხადა.
„როდესაც ჩვეულებრივ მოქალაქეებს არ აძლევენ საშუალებას, 9 აპრილის მემორიალთან მივიდნენ, არ შეიძლება, ამ ადამიანებს სტკიოდეთ 9 აპრილი.
სახედაკარგული და სინდისდაკარგული ადამიანები, მათ შორის რუსეთში მომღერალი ბანი და ნაცების რეჟიმის ჯალათები აპროტესტებენ ადამიანების მსვლელობას 9 აპრილის მემორიალთან და ამ დღეს კიდევ ერთხელ იყენებენ იმისთვის, რომ დაპირისპირება და შუღლი ჩამოაგდონ ჩვენს საზოგადოებაში.
მათი იქ ყოფნა და ის აგრესია, რასაც ისინი აფრქვევენ, არაფრით განსხვავდება რუსული ტანკებისგან, რომლებმაც 9 აპრილის უმძიმეს დღეს გადაუარეს ქართველებს, სწორედ ეს ადამიანები, რომლებიც დღეს ამ უმსგავსობას სჩადიან, თავიანთი ბოროტებით და მავნებლური მიზნებით ფეხქვეშ ლახავენ ამ ქვეყნის ინტერესებს და ამ ქვეყნის საზოგადოებას“. - თქვა წილოსამა.
8-9 აპრილის ღამე მოქალაქეების ნაწილმა, მათ შორის სინდისის პატიმრების ოჯახის წევრებმა და ნათესავებმა პარლამენტთან გაათენეს.
