ნატო-ს გენერალური მდივანი მარკ რუტე ფიქრობს, რომ უკრაინისთვის "მდგრადი მშვიდობა" შესაძლებელია რუსეთის შეკავების პირობებში, რომ მან ვერ შეძლოს საფრთხე შუქმნას უკრაინის ტერიტორიული მთლიანობას. ამის შესახებ რუტემ ბრიუსელში ბრიფინგზე განაცხადა.
გენერალურ მდივანს ჰკითხეს, რას გულისხმობდა ის კონცეფციაში „უკრაინის მდგრადი მშვიდობის“ კონტექსტში.
"თქვენს შეკითხვაზე ყველაზე მოკლე პასუხია [ისეთი მშვიდობა, რომ] პუტინმა ვეღარასოდტოს სცადოს უკრაინის ტერიტორიის ერთი კვადრატული კილომეტრის დაკავება. როცა ეცოდინება, რომ არსებობს შეკავება და თავდაცვითი ზომები, რომლებიც უზრუნველყოფენ იმას, რომ უკრაინაზე თავდასხმა შეუძლებელი იქნება", - თქვა მარკ რუტემ.
მისივე თქმით, ნატო-ს მრავალი წევრი ქვეყნის ძალისხმევა მიმართულია სწორედ უკრაინას მიაწოდოს ის, რაც მას სჭირდება წინააღმდეგობის გასაგრძელებლად. მან ამ ახსენა პირდაპირი დახმარების მიწოდება, "ჩეხეთის ინიციატივა" უკრაინისთვის საბრძოლო მასალის შესაძენად მთელ მსოფლიოში და მოკავშირეების ინვესტიციები უკრაინის თავდაცვის ინდუსტრიაში და დასავლელი ინსტრუქტორების მიერ უკრაინელი სამხედროების მომზადება.
რუტემ ასევე გაიხსენა მოლაპარაკებები, რომლებიც საფრანგეთისა და დიდი ბრიტანეთის ხელმძღვანელობით „მსურველთა კოალიციაში“ მიმდინარეობს.
მანამდე რუტემ განაცხადა, რომ 2025 წლის პირველ სამ თვეში ნატო-ს წევრმა ქვეყნებმა უკრაინას 20 მილიარდ დოლარზე მეტი სამხედრო დახმარება გაუწიეს.
გენერალურმა მდივანმა ასევე გამოთქვა მოსაზრება, რომ რუსეთი ნატო-ს საფრთხედ რჩება უკრაინასთან სამშვიდობო შეთანხმების შემდეგაც.
