აშშ-ის პრეზიდენტი დონალდ ტრამპი საფრანგეთის ულტრამემარჯვენე ლიდერის მარინ ლე პენის წინააღმდეგ საქმეს, რომელსაც სასამართლომ აუკრძალა საპრეზიდენტო არჩევნებში მონაწილეობა, კუდიანებზე ნადირობას უწოდებს. ამის შესახებ ტრამპი თავის სოციალურ ქსელ Truth Social-ში წერს.
„კუდიანებზე ნადირობა მარინ ლე პენის წინააღმდეგ, რომელიც გაასამართლეს ევროკავშირის სახსრების მითვისებაში, არის მაგალითი იმისა, თუ როგორ იყენებენ ევროპელი მემარცხენეები სამართლებრივ სისტემას, სიტყვის თავისუფლების ჩახშობისა და მისი პოლიტიკური ოპონენტების ცენზურისთვის“, - წერს ტრამპი
მან ლე პენის საქმე თავის სასამართლო საქმეებს შეადარა და აღნიშნა, რომ მისმა მოწინააღმდეგეებმა მარცხი განიცადეს.
”მე არ ვიცნობ მარინ ლე პენს, მაგრამ ვაფასებ იმ შრომას, რომელიც მან მრავალი წლის განმავლობაში გასწია. მან დანაკარგი განიცადა, მაგრამ განაგრძო წინსვლა და ახლა, ვიდრე შეიძლებოდა დიდო გამარჯვებისთვის მიეღწია, ბრალს სდებენ წვრილმან დანაშაულში, რომლის შესახებაც, ალბათ, არაფერი იცოდა“, - წერს აშშ-ის პრეზიდენტი.
ტრამპი მიიჩნევს, რომ ლე პენის ჩადენილი დანაშაული რეალურად იყო „ბუღალტრული შეცდომა“.
„ეს ყველაფერი ძალიან ცუდია საფრანგეთისთვის და დიდი ფრანგი ხალხისთვის, არ აქვს მნიშვნელობა რომელ მხარეს არიან ისინი. თავისუფლენა მარინ ლე პენს!“ - წერს ტრამპი.
შეგახსენებთ, 31 მარტს საფრანგეთის სასამართლომ ულტრამემარჯვენე პარტია ეროვნული ერთობის ლიდერს, მარია ლე პენს 4-წლიანი პატიმრობა მიუსაჯა. საიდანაც ორი წელი არის პირობითი სასჯელი. სასამართლოს გადაწყვეტილებით, ლე პენს, ჯარიმის სახით 100 000 ევროს გადახდაც მოუწევს. ამასთან, ფრანგ პოლიტიკოსს, 5 წლით ჩამოერთვა საჯარო თანამდებობის დაკავების უფლებაც, რაც მას 2027 წლის საპრეზიდენტო რბოლიდან გამორიცხავს, სასამართლოს გადაწყვეტილება ძალაში დაუყოვნებლივ შევა.
