უკრაინა მზად არის აშშ-სგან შეიძინოს სამხედრო დახმარების პაკეტი, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.
„ჩვენ არ გვითხოვია მომავალი პაკეტი უფასოდ. ჩვენ ამას უსაფრთხოების გარანტიადაც კი მივიჩნვეთ“, – განუცხადა ზელენსკიმ ჟურნალისტებს.
მისი განმარტებით, კიევის სურვილების პაკეტში შედის საჰაერო თავდაცვა და სხვა შესაბამისი ინსტრუმენტები, რომლებიც ძალიან სჭირდება უკრაინას.
„ეს არის დაცვა, ეს იქნება დახმარება ომის დასრულების შემდეგ, ეს არის უსაფრთხოების გარანტია, რომ ჩვენი უკრაინა საჰაერო თავდაცვით არის დაცული. ბევრი სხვადასხვა ფორმატი და ინსტრუმენტია, რომელზეც ჩვენ მზად ვართ. ჩვენ მზად ვიყავით 30-ის და 50 მილიარდის მოძიებაზეც შესაბამისი პაკეტისთვის“, – აღნიშნა ზელენსკიმ.
როგორც ცნობილია, დონალდ ტრამპის ადმინისტრაციას ხელისუფლებაში მოსვლის შემდეგ სამხედრო დახმარება არ გაუწევია უკრაინისთვი, მაგრამ იარაღის მიწოდება გრძელდება წინა ადმინისტრაციის მიერ გამოცხადებული პაკეტების ფარგლებში.
