მაინტერესებს უბრალოდ, გირგვლიანის საქმეზე [ლევან] მურუსიძეს დაიბარებენ?! ან ბექა ოდიშარიას, რომელიც ნაცმოძრაობის შემომწირველი იყო 2012 წელს
მაინტერესებს უბრალოდ, გირგვლიანის საქმეზე [ლევან] მურუსიძეს დაიბარებენ?! ან ბექა ოდიშარიას, რომელიც ნაცმოძრაობის შემომწირველი იყო 2012 წელს, - ამის შესახებ „გახარია -საქართველოსთვის“ აღმასრულებელმა მდივანმა, ბერდია სიჭინავამ „ტვ პირველის“ ეთერში „ქართული ოცნების“ მიერ შექმნილ წინა ხელისუფლების საქმიანობის შემსწავლელ დროებით საგამოძიებო კომისიაზე საუბრისას განაცხადა.
„13 წლის თავზე, როდესაც ხელისუფლება აანონსებს ნაციონალური მოძრაობის თითქოს საქმიანობის შემსწავლელ რაღაც საგამოძიებო კომისიას, რომელიც დღეში ერთ სხდომას ჩაატარებს და ამით 13 წლის წინანდელ ფაქტებს გამოიძიებენ, რა თქმა უნდა, აბსურდია და ფარსია.
„ნაციონალური მოძრაობის“ ყოფილი სახეები არიან საყრდენი, მათ შორის, ბიძინა ივანიშვილის, ეს არის მოცემულობა, რაც გვაქვს.
იგივე მუხროვანის ამბოხის საქმესთან დაკავშირებით, [ზვიად ხარაზიშვილს] ხარებას დაიბარებენ ამ კომისიაზე და ქალბატონი წულუკიანი ხარებას დაუსვამს კითხვებს?! ან ციხის ბუნტის საქმეზე გივი მიქანაძეს დაიბარებენ?! მაინტერესებს უბრალოდ, გირგვლიანის საქმეზე [ლევან] მურუსიძეს დაიბარებენ?! ან ბექა ოდიშარიას, რომელიც ნაცმოძრაობის შემომწირველი იყო 2012 წელს, როცა სიკვდილ-სიცოცხლისთვის იბრძოდნენ ადამიანები, ან იგივე მათი მინისტრი დავით სონღულაშვილი - ამ ადამიანებს დაიბარებენ და შეეკითხებიან რა ხდებოდა, რა რეჟიმს ემსახურებოდნენ? ეს ხომ ფარსია თავიდან ბოლომდე“, - განაცხადა სიჭინავამ.
