პრეზიდენტ მიხეილ სააკაშვილის მტკიცებით, სხვა სახელმწიფოში მტერი ქვეყნის მეთაურთან ერთად სამხედრო აღლუმში მონაწილეობისთვის პოლიტიკურ ლიდერს დახვრეტდნენ. ამის შესახებ სააკაშვილმა ტელეკომპანია "პირველი საინფორმაციო კავკასიურის" პირდაპირ ეთერში, პროექტში "პრეზიდენტი პასუხობს ხალხს", ერთ-ერთი მოქალაქის შეკითხვაზე პასუხის გაცემისას განაცხადა. ასე გამოეხმაურა სააკაშვილი ქართველი ოპოზიციონერი ლიდერების ნინო ბურჯანაძისა და ზურაბ ნოღაიდელის მიერ რამდენიმე თვის წინ მოსკოვში გამართულ სამხედრო აღლუმში მონაწილეობას.
"ერთ-ერთმა ჩემმა მეგობარი სახელმწიფოს ლიდერმა მითხრა: რომელიმე ჩვენს ლიდერს ჩვენი მტერი სახელმწიფოს მეთაურთან ერთად სამხედრო "პარადში" რომ მიეღო მონაწილეობა, თავს მოვაჭრიდი და საკუთარი ხელით დავხვრეტდიო. საქართველოში ამას აკეთებენ დიდი ხანია, მაგრამ ვინმემ ერთი ღერი თმა ჩემოუგდო? ვინმემ კვერცხი მაინც დაუშინა?" - აღნიშნა სააკაშვილმა და დასძინა, რომ ქვეყანაში სიტყვისა და გამოხატვის თავისუფლება არსებობს.
სააკაშვილმა აღნიშნაა, რომ საქართველოს ხელისუფლება დემოკრატიას აშენებს, შეიძლება იდეალურად არა, მაგრამ ამ კუთხით ვითარება ნელ-ნელა უმჯობესდება.
"და ეს იმ პირობებში, როცა პირდაპირ შუბლზე გვაქვს მობჯენილი იარაღი", - განმარტა სააკაშვილმა.
