საქართველოს ნაკრების მთავარმა მწვრთნელმა, ვილი სანიოლმა ერთა ლიგაზე სომხეთთან საპასუხო მატჩამდე პრესკონფერენციაზე გამართა და პირველი თამაშის მოგების (3:0) მიუხედავად, განაცხადა, რომ საპასუხო მატჩს გუნდი პასუხისმგებლობით უნდა მოეკიდოს.
ლოჩოშვილის ტრავმაზე საუბრისას სანიოლმა თქვა, რომ ტრავმა მძიმე აღმოჩნდა.
ლუკას თავს სერიოზული არაფერი ხდება, მისი ტრავმა მძიმე არ აღმოჩნდა. ხვალ ის არ ითამაშებს, რადგან მისთვის უკეთესია, აღდგენისთვის დრო მივცეთ".
კაშია ბრუნდება, ტაქტიკის ცვლილება ნაკლებად მოსალოდნელია. მომავალში ვაპირებთ ისე ვითამაშოთ, როგორც სომხეთთან ვითამაშეთ. კაშია პროფესიონალია და დარწმუნებული ვარ, კარგად მოერგება ტაქტიკას. ხვალ მნიშვნელოვანი თამაშია და ვფიქრობ, საპასუხო მატჩში არ იქნება მოტივაციის პრობლემა. გარკვეულ ცვლილებებს ვგეგმავ, სხვა მოთამაშეებსაც მიეცემათ შანსი. ჩვენმა ფეხბურთელებმა იციან, რომ აქ მაღალი კონკურენციაა და თუ თავს კარგად არ წამოაჩენ, შენი შანსები შემცირდება. მე სხვადასხვა პოზიციაზე არაერთი ძლიერი მოთამაშე მყავს და მათ მოტივაციაში ეჭვი არ მეპარება. კი, ჩვენ პირველი მატჩი 3:0 მოვიგეთ, თუმცა ახლა საქმე ბოლომდე უნდა მივიყვანოთ. ხვალ ოფიციალური მატჩი გვაქვს და მე არ ვაპირებ მთელი გუნდის შეცვლას და გადახალისებას. ხვალ სომხეთის ნაკრების წინააღმდეგ მამარდაშვილი ითამაშებს. აი, ივნისის ამხანაგურ მატჩებში კი შანსი გუგეშაშვილს მიეცემა. ვფიქრობ, ლაცაბიძე ძალიან კარგად ადაპტირდა გუნდში, ვნახე მისი შესაძლებლობები, ბევრს მისმენს, ძალიან კარგი მოსწავლეა.
გუნდში ძალიან კარგი ატმოსფეროა. ყველა ფეხბურთელი კარგად არის განწყობილი, რაც უდიდეს როლს თამაშობს გუნდის წარმატებაში. აი, მაგალითად აზაროვმა, რომელთანაც წარსულში მცირე პრობლემები გვქონდა, სომხეთში იდეალური მატჩი ჩაატარა. საბა გოგლიჩიძემაც ძალიან კარგად ითამაშა და სამომავლოდ ორივე ფეხბურთელი ძალიან მეიმედება", - თქვა სანიოლმა.
საქართველოს ნაკრები სომხეთთან ორმატჩიანი პლეი ოფის მოგების შემთხვევაში უეფა-ს ერთა ლიგის B დივიზიონში დარჩება. საპასუხო შეხვედრა 23 მარტს თბილისში, „დინამო არენაზე“ 18:00 საათზე დაიწყება.
