„ქართული ოცნების“ დეპუტატმა ლაშა ტალახაძემ კომენტარი გააკეთა ესტონეთის მიერ დაწესებულ საქციებზე.
ტალახაძის თქმით, მისთვის სანქციები არაფერს ნიშნავს.
"ვხედავთ, თუ როგორი უსუსურები არიან, საერთოდ რეალობას არიან მოწყვეტილები. ჩემთვის პირადად არაფერს არ ნიშნავს, რადგან ის საქმე, რომელსაც მე და ჩემი გუნდი ვაკეთებთ, გაცილებით მეტია, ვიდრე პატარა კაცის პატარა სანქცია - ასე დავარქმევდი ამას. ხმამაღლა ვიტყვი იმას, რომ ამით ნამდვილად ვერაფერს დაგვაკლებენ. ჩვენ გავაგრძელებთ ჩვენი ქვეყნისთვის ბრძოლასა და წინსვლას"- ამბობს ლაშა ტალახაძე.
შეგახსენებთ, ლიეტუვამ 74, ლატვიამ 16, ესტონეთმა 55 ქართველ მაღალჩინოსანს სავიზო სანქციები დაუწესა.
ესტონეთმა სანქცირებულთა ვინაობა გაასაჯაროვა, მათ შორის არის ლაშა ტალახაძეც.
