პარტია, რომელმაც არჩევნები მოიპარა, ლეგიტიმურ პრეზიდენტს, სალომე ზურაბიშვილს თავს ესხმის, - ასე ეხმიანება ფრანგი ევროპარლამენტარი ნატალი ლუაზო X-ზე აეროპორტში სალომე ზურაბიშვილზე თავდასხმას.
ლუაზო საქართველოს მეხუთე პრეზიდენტს სოლიდარობას უცხადებს.
„საქართველოში, პარტია, რომელმაც არჩევნები მოიპარა, ლეგიტიმურ პრეზიდენტს, სალომე ზურაბიშვილს თავს ესხმის დაშინების მეთოდებით, რომლებზეც უარს რუსეთიც არ იტყოდა. სრული მხარდაჭერა სალომე ზურაბიშვილს, რომელიც ქართველი ხალხის სიმამაცეს და დემოკრატიისა და ევროპისადმი ერთგულებას წარმოადგენს“, - წერს ნატალი ლუაზო.
გიორგი გახარიაზე თავდასხმის შემდეგ, მიუნხენის უსაფრთხოების კონფერენციიდან საქართველოში დაბრუნებისას საქართველოს მეხუთე პრეზიდენტს, სალომე ზურაბიშვილს კვერცხები ესროლეს.
