„გიორგი გახარიას ნათქვამს ახლა მთლად ნუ დაიჯერებთ, რატომ უნდა ესროლა „ქართულ ოცნებას" [კვერცხები], „ოცნება" არავის არაფერს არ უგზავნის“, - ამის შესახებ „ქართული ოცნების“ დეპუტატმა რიმა ბერაძემ TV პირველთან-ს განუცხადა..
„გიორგი გახარიას ნათქვამს ახლა მთლად ნუ დაიჯერებთ, რატომ უნდა ესროლა „ქართულ ოცნებას" [კვერცხები], „ოცნება" არავის არაფერს არ უგზავნის“, იმიტომ, რომ ძალიან ბევრ სიცრუეს ლაპარაკობს... აღარ გვჯერა იმიტომ, რომ ძალიან ბევრ რამეს გახარია ამბობს იმას, რაც სიმართლე არ არის და ვინ ესროლა კვერცხები...
გასაგებია, რომ ესროლეს, მაგრამ რატომ ამტკიცებთ თქვენ, რომ ეს კვერცხები ესროლა „ქართულმა ოცნებამ"... არ უჭირს „ოცნებას" იმის შესაბამისად, რომ ვინმე მიაგზავნოს იმისთვის, რომ გახარიას კვერცხები ესროლოს", - განაცხადა რიმა ბერაძემ.
პარტია „გახარია საქართველოსთვის“ ინფორმაციით, მიუნხენის უსაფრთხოების კონფერენციიდან საქართველოში დაბრუნებისას გიორგი გახარიას და გერმანიის ყოფილ ელჩს, ელგუჯა ხოკრიშვილს თბილისის აეროპორტში „ივანიშვილმა დაახვედრა წინასწარ ორგანიზებული, წინასწარ მომზადებული პარტიული ზონდერჯგუფი, რომლებსაც აბსოლუტური უმოქმედობით ხელი შეუწყო ადგილზე მყოფმა, ასევე წინასწარ გაფრთხილებულმა პოლიციამ“.
ასევე, სამთავრობო პროპაგანდისტულმა მედიამ გაავრცელა ვიდეო, რომელშიც ჩანს, როგორ ესვრიან კვერცხებს გიორგი გახარიას.
