შეერთებული შტატების სახელმწიფო მდივანი მარკო რუბიო გამოეხმაურა ევროპაში ვიცე-პრეზიდენტ ჯეი დი ვენსის გამოსვლის გამო მიუნხენის უსაფრთხოების კონფერენციაზე აღშფოთებას. ამის შესახებ მან CBS News-თან ინტერვიუში ისაუბრა.
რუბიომ თქვა, რომ ვენსის გამოსვლა იყო "საკმაოდ ისტორიული" - "ეთანხმებიან თუ არა მას".
„მან უბრალოდ თავის გამოსვლაში გამოხატა თავისი შეხედულება ამის თაობაზე, რასაც, გულწრფელად გითხრათ, ბევრი იზიარებს და ვფიქრობ, მან გამოსვლაში ბევრი რამ თქვა, რაც უნდა ეთქვა. და მართალი გითხრათ, არ ვიცი, რატომ განაწყენდა ვიღაც ამის გამო. ხალხო, აუცილებელი არ არის დაეთანხმოთ ვინმეს გამოსვლას“, - თქვა რუბიომ.
შეერთებულ შტატები ბევრი ევროპელი ლიდერის მხრიდან არაერთხელ გამხდარა მწვავე კრიტიკის ობიექტი და ჩვენ ამაზე ისტერიკა არ აგვიტეხავს“, - განაცხადა რუბიომ.
აშშ-ს სახელმწიფო მდივნის თქმით, ვენსის გამოსვლის არსი ის იყო, რომ ევროპაში სიტყვის თავისუფლების ეროზია და საპირისპირო აზრის შეუწყნარებლობაა და ეს შემაშფოთებელია.
„ეს არ არის თქვენი სამხედრო შესაძლებლობების ეროზია, ეს არ არის თქვენი ეკონომიკური პოზიციის ეროზია, ეს არის ეროზია იმ ჭეშმარიტი ფასეულობებისა, რომლებიც გვაკავშირებს ამ ტრანსატლანტიკურ ალიანსში, რომელზეც ყველა საუბრობს და ვფიქრობ, რომ მოკავშირეებმა და მეგობრებმა და პარტნიორებმა, რომლებიც ერთად მუშაობდნენ 80 წლის განმავლობაში, უნდა შეეძლოთ გულწრფელად ისაუბრონ ერთმანეთზე ღია ფორუმებზე, განაწყენების გარეშე“, - თქვა რუბიომ.
შეგახსენებთ, აშშ-ის ვიცე-პრეზიდენტმა ჯეი დი ვენსმა მიუნხენის უსაფრთხოების კონფერენციაზე სხვა პარტიებსა და „ალტერნატივა გერმანიისთვის“ შორის ურთიერთობასთან დაკავშირებით თქვა, რომ „ბარიერების ადგილი არ არის“. აშშ-ის ვიცე-პრეზიდენტის თქმით, კონფერენციის ორგანიზატორებმა პოპულისტური პარტიების დეპუტატები დაბლოკეს.
„მიუნხენის კონფერენციის ორგანიზატორებმა დაბლოკეს პოპულისტური პარტიების დეპუტატები, რომ მონაწილეობა მიეღოთ ამ საუბარში, ჩვენ ვერ დავეთანხმებით ყველაფერს, რასაც ხალხი ამბობს, მაგრამ პოლიტიკოსები როდესაც წარმოადგენენ მნიშვნელოვან საარჩევნო ოლქს, ეს ავალდებულებთ, რომ, სულ მცირე, მონაწილეობა მიიღონ დიალოგში“ – განაცხადა ვენსმა.
