ივანიშვილის რეჟიმი ცდილობს იმ ყველაფრის მოკვლას, რაც ზურაბ ჟვანიამ თანამოაზრეებთან ერთად წლების განმავლობაში ააშენა, - ამის შესახებ საქართველოს ყოფილი პრემიერ-მინისტრის ზურაბ ჟვანიას ძმამ გოგლა ჟვანიამ „ტვ პირველს“ განუცახდა, რომელსაც რუსთაველის გამზირზე მიმდინარე აქციიდან ჩაერთო.
„დღევანდელი დე-ფაქტო ხელისუფლება ცდილობს მოკლას ყველაფერი ის, რასაც ზურა მრავალი წლის განმავლობაში თანამოაზრეებთან ერთად აშენებდა. მოახერხებს თუ არა ამას მოქმედი რეჟიმი, თავიდან ბოლომდე საზოგადოებაზეა დამოკიდებული. ჩვენ მივიღებთ ზუსტად ისეთ ქვეყანას, როგორც მოვინდომებთ. თითქმის 2-თვე ნახევარია ასობით ადამიანი იკრიბება, მაგრამ ბევრად მეტი უნდა ვიყოთ. ბევრად ძლიერი და ორგანიზებული უნდა იყოს. ყველაფერს უნდა მიეცეს გეგმაზომიერი სახე. უნდა დაიგეგმოს მოქმედებები და მივყვეთ ბოლომდე. ახლოს ვართ იმ მომენტამდე, როდესაც ხელისუფლება 3 კაცზე მეტი ადამიანის შეკრების უფლებას აკრძალავს", - თქვა გოგლა ჟვანიამ.
