გერმანიის ელჩი პიტერ ფიშერი გამოეხმაურა საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენლის, კაია კალასის განცხადებას საქართველოში განვითარებულ მოვლენებზე.
ფიშერის განცხადებით, მან ბევრი იმუშავა, რომ საქართველოს კანდიდატის სტატუსი მიეღო და ვითარების ასე განვითარება, სამწუხაროა.
"თუ თქვენ ხართ ქვეყანა, რომელსაც ევროკავშირში გაერთიანება გსურთ და მიიღებთ ასეთ წინადადებას, რაც მონიშნულია და გერმანია ამას ეთანხმება, ეს იმას ნიშნავს, რომ თქვენ პრობლემა გაქვთ. ბევრი ვიმუშავე იმისთვის, რომ საქართველოს კანდიდატის სტატუსი მიეღო და გული მტკივა", - წერს ფიშერი სოციალურ ქსელში.
შეგახსენებთ, კაია კალასი 2 თებერვალს თბილისში, მშვიდობიანი აქციის მონაწილეების მიმართ პოლიციელთა მხრიდან ძალადობას გამოეხმაურა.
"მიუღებელია მშვიდობიანი მომიტინგეების, ჟურნალისტებისა და პოლიტიკოსების სასტიკი დარბევა რაც თბილისში ამ საღამოს მოხდა.
საქართველომ კანდიდატი ქვეყნის არანაირი მოლოდინი არ გაამართლა.
ევროკავშირი დგას ქართველი ხალხის გვერდით მათ ბრძოლაში თავისუფლებისა და დემოკრატიისთვის," - დაწერა მან X-ზე წერს.
