პოლტავაში საცხოვრებელ კორპუსზე რუსეთის დარტყმის შედეგად დაღუპულთა რაოდენობა 12-მდე გაიზარდა, მათ შორის ორი ბავშვია. ამის შესახებ ინფორმაციას უკრაინის საგანგებო სიტუაციების მართვის სამსახური ავრცელებს.
მაშველებმა აღნიშნეს, რომ ამ დროისთვის ცნობილია 17 დაშავებულის შესახებ, მათ შორის 4 ბავშვია. მოხერხდა 22 ადამიანი გადარჩენა.
სამაშველო სამუშაოები გრძელდება.
უკრაინის პრეზიდენტი გამოეხმაურა თავდასხმას და აღნიშნა, რომ უკრაინას სჭირდება მეტი დახმარება რუსული ტერორისტული აქტებისგან თავის დასაცავად
„ყოველი ასეთი ტერორისტული აქტი ადასტურებს, რომ ჩვენ გვჭირდება მეტი მხარდაჭერა რუსული ტერორიზმისგან თავის დასაცავად.
ყველა საჰაერო თავდაცვის სისტემა, ყოველი რაკეტსაწინააღმდეგო სისტება არის გადარჩენილი სიცოცხლე. ძალიან მნიშვნელოვანია, რომ ჩვენმა პარტნიორებმა იმოქმედონ, შეასრულონ ჩვენი შეთანხმებები და გაზარდონ ზეწოლა რუსეთზე“, - თქვა ზელენსკიმ.
