უკრაინის პრეზიდენტი ვოლოდიმირ ზელენსკი გასულ ღამეს უკრაინაზე რუსეთის თავდასხმას ეხმიანება და აცხადებს, რომ აუცილებელია უკრაინას მეტი მხარდაჭერა ჰქონდეს რუსული ტერორისგან თავის დასაცავად.
„ამ ღამეს რუსეთმა განახორციელა თავდასხმა ჩვენს ქალაქებზე სხვადასხვა ტიპის იარაღის გამოყენებით: რაკეტებით, მოიერიშე დრონებით, ავიაბომბები. ჩაიდინა მორიგი ტერორისტული დანაშაული“, - წერს ზელენსკი Facebook-ზე.
მისი თქმით, პოლტავაში ჭურვი საცხოვრებელი კორპუსს მოხვდა, სადარბაზო მთლიანად დაინგრა - დაშავდა ათი ადამიანი, მათ შორის ბავშვები. სამი ადამიანი დაიღუპა. ზელენსკიმ სამძიმარი გამოუცხადა დაღუპულების ოჯახებს.
ადგილზე ყველა საჭირო სამსახური მუშაობს დადახმარებას უწევს მოქალქეებს.
როგორც ზელენსკიმ აღნიშნა, ასევე დაზიანდა ზაპოროჟიეს, ოდესის, სუმის, ხარკოვის, ხმელნიცკის და კიევის რეგიონები. ამ დროისთვის ცნობილია ექვსი დაშავებულის შესახებ. ხარკოვში თავდასხმის შედეგად ერთი ადამიანი დაიღუპა.
სუმის რაიონში რუსეთის თავდასხმას ორი ადამიანის სიცოცხლე შეეწირა.
„ყოველი ასეთი ტერორისტული აქტი ადასტურებს, რომ ჩვენ გვჭირდება მეტი მხარდაჭერა რუსული ტერორიზმისგან თავის დასაცავად.
ყველა საჰაერო თავდაცვის სისტემა, ყოველი რაკეტსაწინააღმდეგო სისტება არის გადარჩენილი სიცოცხლე. ძალიან მნიშვნელოვანია, რომ ჩვენმა პარტნიორებმა იმოქმედონ, შეასრულონ ჩვენი შეთანხმებები და გაზარდონ ზეწოლა რუსეთზე“, - წერს ზელენსკი.
