ეს არის რაღაც სააკაშვილი 2-ის სცენარი, - ამის შესახებ პრემიერ-მინისტრმა ირაკლი კობახიძემ ჟურნალისტ მზია ამაღლობელის შიმშილობასთან დაკავშირებით განაცხადა.
„ეს არის რაღაც სააკაშვილი 2-ის სცენარი. თქვენ იცით, როგორც დამთავრდა სააკაშვილის ასე ვთქვათ, სცენარი თავის დროზე. შიმშილობდა თვეების განმავლობაში ხან ასე, ხან ისე, მაგრამ სახელმწიფო ზრუნავდა ბუნებრივია მის ჯანმრთელობაზე ისევე, როგორც ზრუნავს ნებისმიერი პატიმრის ჯანმრთელობაზე. აქაც სახელმწიფოს პასუხისმგებლობა ეს არის, რა თქმა უნდა, ჩვენ ყველას ვუსურვებთ ჯანმრთელობას და სახელმწიფო, რა თქმა უნდა, არის პასუხისმგებელი ნებისმიერი პატიმრის ჯანმრთელობაზე.
რაც შეეხება თვითონ ფაქტს, ფაქტი იყო ასეთი ხო, თქვენ გახსოვთ, ჯერ იყო პირველი ინციდენტი, როდესაც სტიკერებს აკრავდა პოლიციელებს, შემდეგ მოხდა მისი დაკავება, შემდეგ პირობით გათავისუფლება და როგორც კი გარეთ გამოვიდა, პოლიციელს მან სახეში გაარტყა ხელი ხო? ანუ, მისი ეს ასე ვთქვათ, სამართალდარღვევა არავითარი ფორმით არ იყო დაკავშირებული ჟურნალისტურ საქმიანობასთან. იქ ის მოქმედებდა, როგორც პარტიული აქტივისტი და აქედამ გამომდინარე მედიასთან ამ ფაქტის დაკავშირება არის აბსოლუტური სპეკულაცია, ხო, ეს ერთი!
მეორე, როცა საუბარია ჰუმანურობაზე, ჰუმანურად შეიძლება ჩაითვალოს გარკვეული აქტი იმ შემთხვვაში, როდესაც ვიღაც რაღაცას მოინანიებს. აი, იქ შეიძლება ჰუმანურად ისაუბრო. წინააღმდეგ შემთხვევაში რაღაც აქტი, მხოლოდ და მხოლოდ არაადექვატურობის გამოვლინებად შეიძლება იქნეს ჩათვლილი.[...]
პოლიცია ქართველი ხალხის თვალში არის ერთ-ერთი ყველაზე დაფასებული სახელმწიფო ინსტიტუტი და შენ მიდიხარ და დემონსტრაციულად ცდილობ დააკნინო ამ სახელმწიფო ინსტიტუტის იმიჯი, ხო? სხვა არაფერს არ ემსახურებოდა ეს აქტი. და აქ არც კი გამოხატავ სინანულს. არც ის და არც მისი თანაპარტიელები კოლექტიური ნაცმოძრაობიდან. და ასეთ დროს გესაუბრებიან იმაზე, რომ ადამიანი შიმშილობს და ამის გამო უნდა გამოუშვა საპატიმროდან“, - განაცხადაირაკლი კობახიძემ იმედი Live-ის ეთერში.
