მიხეილ სააკაშვილი კარგი პრეზიდენტია საქართველოსთვის, მაგრამ ვფიქრობდი, რომ იგი დისიდენტიც იყო - ამაში შევცდი. განაცხადა რუსმა დისიდენტმა, ჟურნალისტმა, საზოგადო მოღვაწემ ვალერია ნოვოდვორსკაიამ პოლიტიკოს კონსტანტინე ბოროვოისთან გამართული ვიდეოდიალოგის დროს.
ვალერია ნოვოდვორსკაიას უკმაყოფილება გამოიწვია იმან, რომ საქართველოს პრეზიდენტმა მიხეილ სააკაშვილმა ბელორუსის პრეზიდენტს ალექსანდრე ლუკაშენკოს დაურეკა და საპრეზიდენტო არჩევნებში გამარჯვება მიულოცა.
"დიახ ის კარგი პრეზიდენტია და ჩვენ დავრწმუნდით იმაში, რომ ის ძალიან კარგი პრეზიდენტია საქართველოსათვის, მაგრამ მე ვფიქრობდი, რომ იგი დისიდენტიც იყო - ამაში შევცდი. ჩემი აზრით დისიდენტის წოდება პრეზიდენტის წოდებაზე უფრო მაღალია. ისე როგორც ის, ბევრი იქცევა - მოკვდი შენ დღეს და მე ხვალ.
როგორ მოიქცა ბატონი კლაუსი ჩეხეთიდან როდესაც გამოცხადდა წითელ მოედანზე ე.წ. გამარჯვების დღისადმი მიძღვნილ აღლუმში მონაწილეობის მისაღებად. ხომ არ უღალატა მან მათ, ვინც 1968 აგვისტოში მივიდა იგივე წითელ მოედანზე ჩეხეთის დასაცავად ლოზუნგით - თვენი და ჩვენი თავისუფლებისათვის.
ის კი ჩამოვიდა პუტინისეულ რუსეთში და მის ხელებში უხილავად გამოიკვეთა ლოზუნგი - თქვენი არათავისუფლებისათვის, მაგრამ ჩვენი თავისუფლებისათვის. ეს ეგოიზმია, რომელსაც ნაყოფი არასოდეს მოუტანია. ამ ეგოიზმის შედეგი იყო მერე უკვე მეორე მსოფლიო ომი. ყველა ერთმანეთს ნელ-ნელა ღალატობს დღეს შენ და ხვალ მე", _ აცხადებს ვალერია ნოვოდვორსკაია და აგრძელებს - "აშშ-ს პრეზიდენტი ობამა მწყრებს ჭამდა პუტინთან და მედვედევთან და არ დამხრჩვალა. რა, მას მისი მრჩევლები, ვერ ეტყოდნენ რა ხდება აქ ჩვენთან? და თქვენ გგონიათ ანგელა მერკელი არ არის საქმის კურსში?".
ვალერია ნოვოდვორსკაია ასევე აცხადებს, რომ მას ქართველი ხალხის იმედი აქვს.
"დაე ეს საკითხი ქართველმა ხალხმა, კერძოდ ქართულმა ინტელიგენციამ გადაწყვიტოს. მე მივმართავდი ქართულ ინტელიგენციას, იმის გამო რომ საქართველოში დემოკრატიაა, სწორედ ქართულმა ინტელიგენციამ და ქართველმა ამომრჩევლებმა უნდა გამოთქვამ თავიანთი აზრი ამ საკითხთან დაკავშირებით.
ჩემთვის კი მიხეილ სააკაშვილი უკვე აღარ არის ის დიდი ადამიანი, რომლიც ფოტოსაც მე ჩემთან დავკიდებ კედელზე. დიახ ის კარგი პრეზიდენტია საქართველოსგან მან უბრალოდ საოცრება შექმნა, დიახ იცხოვრებენ საკუთარი თავისთვის ისევე როგორც სხვა მრავალი, მაგრამ უბრალოდ, ვიქტორ იუშჩენკო დარჩება უკრაინელ ჰაველად, რომლისთვისაც სულერთი არ იყო და რომელიც წავიდა იგივე საქართველოში და იდგა იქ ბომბების ქვეშ იმის ნაცვლად, რომ მჯდარიყო სახლში და ეკონომიკის საკითხებისათვის ეკირკიტა - იგი ცდილობდა მათთვის ისტორია დაებრუნებინა", _ აცხადებს ნოვოდვორსკაია და აღნიშნავს, რომ "მორალური თვალსაზრისით უღალატეს ჩემს ისტორიულ სამშობლოს, მე ბელორუსიდან ვარ მე ვიცი ბელორუსული ენა და მე ამას გამართლებას ვერ ვუძებნი".