ცხინვალის სეპარატისტული ხელისუფლების გადაწყვეტილებით, 2011 წლის სექტემბერში ე. წ. სამხრეთ ოსეთის საჯარო სკოლების პედაგოგების ატესტაცია დაიწყება. ამის შესახებ ინფორმაციას "რესი" ე. წ. განათლების, მეცნიერებისა და ახალგაზრდული პოლიტიკის სამინისტროს კონტროლისა და ზედამხედველობის სამმართველოს უფროს მუხარ ჯერანოვზე დაყრდნობით ავრცელებს.
მისი თქმით, პედაგოგების ატესტაცია ორ ეპატად ჩატარდება და 2011 წლის სექტემბრიდან 2012 წლის აპრილამდე გაგრძელდება.
"პირველი ეტაპზე პედაგოგების პროფესიონალიზმის კომპეტენცია განისაზღვრება, ხოლო მეორე ეტაპზე მასწავლებლის მუშაობის პროდუქტიულობა", - აღნიშნა ჯერანოვმა და დასძინა, რომ სერთიფიცირებულ მასწავლებლებს შესაბამისი სერთიფიკატები მიენიჭებათ.
