პარლამენტის წევრი დიმიტრი ლორთქიფანიძე იმედოვნებს, რომ ქართველი პარლამენტარები ვეტერანთა უფლებების დასაცავად მაინც გამოიღვიძებენ. ამის შესახებ დეპუტატმა "ჯი-ეიჩ-ენთან" კომენტირებისას განაცხადა.
დეპუტატმა სასამართლო სხდომის უკანონოდ ჩატარების შესახებაც გააკეთა განცხადება. მისი თქმით, სტატუსის მიუხედავად, იგი სასამართლო პროცესს არ დაასწრეს.
"ამ ადამიანების წინაშე თავი არ უნდა მოგვეჭრა. ისინი ხომ წელიწადისა და სამი თვის განმავლობაში სამშობლოს იცავდნენ. მოსამართლე თადაშვილმა საყოველთაოდ აღიარებული პრინციპი უარყო და სხდომა უკანონოდ დახურა. ამასთან, სასამართლო პროცესს არ დაასწრეს საზოგადოების წევრები, მათ შორის, სხდომაზე არ დამასწრეს მე, როგორც საქართველოს პარლამენტის წევრი. მათ ინტერესში არ იყო, სხდომას ვინმე დასწრებოდა", _ აღნიშნა ლორთქიფანიძემ.
შეგახსენებთ, 2011 წლის 3 იანვარს ქართველმა სამართალდამცავებმა გმირთა მემორიალთან მიმდინარე ვეტერანთა მშვიდობიანი აქცია ძალის გამოყენებით დაშალეს.
