რუსეთის პრეზიდენტის ვლადიმირ პუტინის თქმით, წარსულში დაბრუნება რომ შეეძლოს, უკრაინაში ბევრად ადრე შეიჭრებოდა. ამის შესახებ მან ჟურნალისტებსა და მოქალაქეებთან შეხვედრისას განაცხადა.
"გადაწყვეტილება, რომელიც 2022 წლის დასაწყისში იქნა მიღებული, უფრო ადრე უნდა ყოფილიყო მიღებული. უფრო ადრე უნდა დაგვეწყო სპეციალური სამხედრო ოპერაციისთვის მზადება", - თქვა მან.
პუტინის თქმით, "სპეციალური სამხედრო ოპერაცია" უკრაინაში "ყოველგვარი მომზადების გარეშე დაიწყეს".
"ეს იყო ფაქტობრივად სპონტანური გადაწყვეტილება. რატომ დაიწყო? იმიტომ, რომ შეუძლებელი იყო უმოქმედოდ დგომა, მოთმენა და ლოდინი, თუ როდის გაუარესდებოდა სიტუაცია ჩვენთვის", - თქვა პუტინმა.
