"რადიო თავისუფლების" ევროპის ბიუროს რედაქტორის, რიკარდ იოზვიაკის ინფორმაციით, ევროკავშირი დღეს საქართველოში ოფიციალურ პირებს სანქციებს არ დაუწესებს.
მისივე ცნობით, უნგრეთი და კიდევ რამდენიმე ქვეყანა წინააღმდეგია.
"ევროკავშირი დღეს არ დაუწესებს სანქციებს საქართველოს ოფიციალურ პირებს. უნგრეთი და რამდენიმე სხვა ქვეყანა ამის წინააღმდეგია. რაც შეიძლება მოხდეს, არის უვიზო რეჟიმის შეჩერება საქართველოს დიპლომატიური პასპორტების მფლობელებისთვის, თუმცა ამასაც კიდევ დრო დასჭირდება", - წერს იოზვიაკი.
დღეს ბრიუსელში ევროკავშირის საგარეო მინისტრების შეხვედრა იმართება. მინისტრები საქართველოში არსებულ ვითარებაზეც იმსჯელებენ.
