უკრაინის პრეზიდენტმა ვოლოდიმირ ზელენსკიმ უკრაინაზე რუსეთის მასიურ თავდასხმას უწოდა პასუხი ყველას, ვისაც სურდა რაღაცის მიღწევა სატელეფონო ზარებით და ვლადიმირ პუტინის დამშვიდებით.ამის შესახებ ზელენსკინ ვიდეომიმაერთვისას ისაუბრა.
„დღეს იყო რუსეთის მიერ ერთ-ერთი ყველაზე დიდი და სახიფათო დარტყმა მთელი ომის განმავლობაში. 210 თვითმფრინავი და რაკეტა ერთდროულად, კონკრეტულად ჰიპერბგერითი და აერობალისტიკური. საბედნიეროდ, სამიზნეების უმეტესობა ჩამოაგდეს. რუსეთისთვის სამიზნე სწორედ ენერგეტიკა და კრიტიკული ინფრასტრუქტურა იყო.
და ეს არის პასუხი ყველას, ვისაც სურდა პუტინთან რაღაცის მიღწევა საუბრებით, სატელეფონო ზარებით, ჩახუტებით – დამშვიდებით.
დღეს ამ "მშვიდობის მტრედმა" გამოგვიგზავნეს მორიგი "კინჯალები" და "კალიბრები". ეს არის დიპლომატია. მისი ენა სისასტიკეა.
რუსეთი თითქმის ათასი დღეა იგივეს აკეთებს. და ჩვენ უნდა დავიცვათ თავი მისგან. ძლიერები უნდა ვიყოთ.
დრო არ უნდა დაიხარჯოს ვინმესთან მოსკოვში საუბარი, რეალურად უნდა აიძულო რუსეთი დაასრულოს ომი“,- განაცხადა უკრაინის პრეზიდენტმა.
ზელენსკიმ აღნიშნა, რომ კვირას მტრის მასიური თავდასხმის მოგერიებისას „Patriot-ებმა კვლავ ბრწყინვალედ გამოიჩინეს თავი და„F-16-ებმაც კარგად იმოქმედეს - არის ჩამოგდებული რაკეტები“.
„განსაკუთრებული მადლობა ყველა პარტნიორს, რომლებიც გვეხმარებიან სისტემებთან და სარაკეტო თავდაცვასთან დაკავშირებით, ეს ნამდვილად გლობალური საკითხია.
ყოველ ჯერზე, როდესაც ასეთი რუსული დარტყმები ხდება, ჩვენ ვხედავთ, თუ რამდენად მნიშვნელოვანია, რომ პარტნიორებმა არ დატოვონ Patriot-ები და სხვა სისტემები სადმე საწყობებში, არამედ გადასცენ ისინი ზუსტად იმ ადამიანებს, რომლებმაც იციან როგორ დაიცვან სიცოცხლე და ესაჭიროებათ ეს.
ჩვენ ჯერ არ მიგვიღია ყველა საჭირო სისტემა ჩვენი პარტნიორებისგან. მაგრამ ჩვენ ვაგრძელებთ მუშაობას. როდესაც ეს შედეგი იქნება მიღწეული, თავდასხმების მოგერიება უფრო სრულყოფილი გახდება“, - განაცხადა უკრაინის პრეზიდენტმა.
მისი თქმით, აღდგენითი სამუშაოები ამჟამად ოთხ რეგიონში მიმდინარეობს.
დილიდან მილიონზე მეტ აბონენტს ელექტროენერგია გაეთიშა. „ოკუპანტს აუცილებლად ვუპასუხებთ. და ჩვენ ახლა უნდა გავუმკლავდეთ ზეწოლას. ნებისმიერი ზეწოლა. ნებისმიერი დარტყმა. რათა მომავალი წლისთვის მიზანს მივაღწიოთ. მშვიდობას მივაღწიოთ“, - განაცხადა ზელენსკიმ.
რუსეთმა 17 ნოემბრის ღამეს უკრაინის ენერგეტიკული ინფრასტრუქტურის წინააღმდეგ ომის დაწყების შემდეგ ერთ-ერთი ყველაზე მასშტაბური სარაკეტო თავდასხმა განახორციელა. დაღუპულია, სულ მცირე, 10 ადამიანი.
