ბათუმში, თამარის დასახლებაში, მრავალსართულიანი სახლების წყლის მეორადი აწევის ტუმბოების სისტემის ოპტიმიზაცია დასრულდა.
სამუშაოს, რომლისთვისაც 330 ათას 582 ლარი დაიხარჯა, შპს "ნიაკა" ასრულებდა.
ასევე დასრულდა თამარის დასახლებაში მრავალბინიანი სახლების ეზოების კეთილმოწყობის სამუშაო. აღნიშნულ სამუშაოს ტენდერში გამარჯვებული ფირმები "წერაქვი", "გზა" და "მწვანე სახლი" ასრულებდნენ.
საბინაო ამხანაგობის პროგრამის ფარგლებში, კეთილმოეწყო 7 კორპუსის ეზო. დაიგო ფილები, კორდი, მოეწყო ბორდიურები. თამარის დასახლების ეზოებისა და მათი მიმდებარე ტერიტორიის მოწესრიგებისათვის ქალაქის ბიუჯეტიდან 734 ათას 976 ლარი დაიხარჯა.