მწვანეთა პარტიამ საერთაშორისო ორგანიზაციებს, "ევროპოლსა" და "ინტერპოლს" გაუგზავნა მიმართვა: ავღანური ჰეროინის ნარკობიზნესი და "ნარკობარონები" საქართველოში.
"მათ შემდეგი კითხვებით მივმართეთ: შესაძლებელია თუ არა ხელისუფლების უშუალო მონაწილეობის გარეშე დიდი რაოდენობის ნარკოტიკების (7 ტონა ჰეროინი)
უკონტროლო ბრუნვა პატარა ქვეყნის ტერიტორიაზე და შესაძლებელია თუ არა ასეთი რაოდენობის ჰეროინის იმპორტ-ექსპორტი ქვეყანაში ავღანურ ან სხვა საერთაშორისო "ნარკოკარტელებთან" ურთიერთობის გარეშე?" - განაცხადა "მწვანეთა პარტიის" ერთ-ერთმა ლიდერმა, გიორგი გაჩეჩილაძემ.
მისი განცხადებით, ჰეროინის ფასი საქართველოში ყველაზე ძვირია და ჩვენი ქვეყანა ნარკოტიკების მომხმარებელთა სიაში პირველ ადგილზეა.
"ჩვენ ბრალდებას არავის ვუყენებთ, ამისთვის არსებობს შესაბამისი ორგანიზაციები. ჩვენ მხოლოდ კითხვებს ვსვამთ", - განაცხადა გაჩეჩილაძემ.