სოხუმიდან დევნილი ნანა ფიფიას თვითმკვლელობამდე მიყვანის გამო ოპოზიციონერი დეპუტატი დიმიტრი ლორთქიფანიძე კვლავაც იძულებით გადაადგილებულ პირთა განსახლებისაAდა ლტოლვილთა მინისტრ კობა სუბელიანის პასუხისმგებლობაზე საუბრობს. იგი მიიჩნევს, რომ მომხდარის შესახებ ამომწურავი ინფორმაციის დადებამდე მინისტრი უნდა გადამდგარიყო.
"პირველ რიგში, მინისტრი პოლიტიკოსია და საკუთარ სფეროში დარგის პოლიტიკას განსაზღვრავს. როცა სასოწარკვეთილი ქალბატონი უკიდურეს ზომას მიმართავს და სოციალური პირობების გამო თავს იწვავს, ეს მიანიშნებს, რომ ამომწურავი ინფორმაციის დადებამდე, მინიმუმ, მინისტრი უნდა გადადგეს,"_აღნიშნა ლორთქიფანიძემ "ჯი-ეიჩ-ენთან" კომენტირებისას.
მისი აზრით, ნანა ფიფიას მსგავსად, დღეს ასობით დევნილი სასოწარკვეთილებაშია.
შეგახსენებთ, სოხუმიდან დევნილმა 46 წლის ნანა ფიფიამ 27 ოქტომბერს იძულებით გადაადგილებულ პირთა განსახლებისაAდა ლტოლვილთა სამინისტროს წინ თავის დაწვა სცადა, რის შემდეგაც მას საავადმყოფოში მკურნალობდნენ, თუმცა იგი მოგვიანებით მაინც დაიღუპა.