შეერთებული შტატების კონგრესთან არსებული ჰელსინკის კომისია (ევროპის უსაფრთხოებისა და თანამშრომლობის კომისია) სოციალურ ქსელში განცხადებას აქვეყნებს, სადაც საუბარია "ქართული ოცნების" მიერ "თაღლითური ქოლცენტრების ქსელიდან შავი ფულის გამოყენებაზე".
"ქართული ოცნება" ეყრდნობა შავ ფულს, მთელს მსოფლიოში მოქმედი თაღლითური ქოლცენტრების ქსელიდან, რათა დააფინანსოს თავისი ოპერაციები და შეავიწროვოს ოპოზიცია
ამერიკის სახელმწიფო დეპარტამენტმა, მკაცრი ზომები უნდა მიიღოს ქოლ ცენტრებთან დაკავშირებით, რომლებიც ქართველი ხალხის წინააღმდეგ, "ქართული ოცნების" ანტიდემოკრატიულ კამპანიას აფინანსებს", - ნათქვამია მათ მიერ გავრცელებულ განცხადებაში.
შეგახსენებთ, 31 ივლისს ჰელსინკის კომისიამ განცხადება გაავრცელა, სადაც აშშ-ის სახელმწიფო დეპარტამენტს ბიძინა ივანიშვილისა და მისი გარემოცვისთვის ფინანსური სანქციების დაწესებიკენ მოუწოდა.
ამავე განცხადებაში, ჰელსინკის კომისია მოუწოდებდა ბაიდენის ადმინისტრაციას, დაიწყოს ბრძოლა "მსოფლიო ქოლცენტრების" სქემის წინააღმდეგ, რადგან მათი თქმით, ეს სქემა ეხმარება "ქართული ოცნების" მმართველობის სისტემას და გამოიყენება სამოქალაქო საზოგადოების წევრების, დემოკრატიის აქტივისტებისა და პოლიტიკური ოპოზიციის, ასევე მათი ოჯახების წევრების შევიწროებისა და დაშინებისთვის.
