2010 წელს აჭარაში ჩამოსულ უცხოელ ტურისტთა ირანელი ტურისტების რაოდენობამ მკვეთრად მოიმატა. აჭარის ტურიზმის დეპარტამენტის ინფორმაციით, 2010 წელს 2009 წელთან შედარებით ირანელი ვიზიტორების რაოდენობა 1855,2 %-ით გაიზარდა, ხოლო 2008 წელთან შედარებით 1274,6 %-ით; დეპარტამენტში აცხადებენ, რომ გასულ წელს რეგიონში საგრძნობლად იმატა ვიზიტორების რაოდენობამ აზერბაიჯანიდან, ზრდამ 2009 წელთან შედარებით 243,2 % შეადგინა, ხოლო 2008 წელთან შედარებით 1070,4 %-ი;
იმავდროულად, 2010 წელს დაფიქსირდა უკრაინელი ვიზიტორთა რაოდენობის საგრძნობი მატება, 2009 წელთან შედარებით 233,7 %-ით, ხოლო 2008 წელთან შედარებით 352,2 %-ით; ასევე გაიზარდა ვიზიტორების რაოდენობა თურქეთიდან, 2009 წელთან შედარებით, თურქი ვიზიტორების რაოდენობამ 93,5 %-ით, ხოლო 2008 წელთან შედარებით 342,6 %-ით მოიმატა;
2010 წელს უცხოელთა შორის ლიდერები არიან ვიზიტორები შემდეგი ქვეყნებიდან: თურქეთი - 136 341 ვიზიტორი, რომელმაც აჭარაში ჩამოსულ უცხოელ ვიზიტორთა 43,7 %-ი შეადგინა. სომხეთი - 98 995 ვიზიტორი, რომელმაც აჭარაში ჩამოსულ უცხოელ ვიზიტორთა 31,7 % შეადგინა; აზერბაიჯანი - 43 970 ვიზიტორი, რომელმაც აჭარაში ჩამოსულ უცხოელ ვიზიტორთა 14,1 %-I შეადგინა; უკრაინა - 7706 ვიზიტორი, რომელმაც აჭარაში ჩამოსულ უცხოელ ვიზიტორთა 2,5 %-I შეადგინა, ირანი - 4536 ვიზიტორი, რომელმაც აჭარაში ჩამოსულ უცხოელ ვიზიტორთა 1,5 %-ი შეადგინა.