ივანიშვილის ოცნება წარმოსახვით მტერს დასდევს გლობალური ომის პარტიის სახით და მოქალაქეებს ომით აშინებს, - ამის შესახებ სოციალურ ქსელში პარტია „საქართველოსთვის“ ლიდერი გიორგი გახარია წერს.
„ივანიშვილის ოცნება, რომელსაც პოზიტიური დღის წესრიგის შექმნა აღარ შეუძლია, წარმოსახვით მტერს დასდევს გლობალური ომის პარტიის სახით და საკუთარ მოქალაქეებს ომით აშინებს.
პარალელურად, აგრძელებს მოქალაქეების მოტყუებას, რომ თითქოს ევროკავშირი ივანიშვილის პირობებით მიგვიღებს.
გლობალური ომის პარტიის ძიებაში კი საქართველოს ევროინტეგრცია შეჩერებულია და აშშ საქართველოსთან სტრატეგიული პარტნიორობის გადახედვის პროცესშია. ოქტომბრის არჩევნები ქვეყნის ნორმალური განვითარების გზაზე დაბრუნების ერთადერთი გამოსავალია!“ - წერს გიორგი გახარია.
