პოლონეთის საგარეო საქმეთა მინისტრი რადოსლავ სიკორსკი საფრანგეთის პრეზიდენტის ემანუელ მაკრონის იდეას უკრაინაში დასავლეთის ჯარების შეყვანის შესახებ წარმოუდგენლად არ მიიჩნევს.
უკრაინაში დასავლეთის ჯარების ყოფნა წარმოუდგენელი არ არის, – განაცხადა მან.
სიკორსკის თქმით, დისკუსია უკრაინაში დასავლური ჯარების შესახებ სასარგებლოა რუსეთზე ზემოქმედებისთვის.
„ვაფასებ საფრანგეთის ინიციატივას. მათ აქვთ კარგი განზრახვა, რუსეთის პრეზიდენტმა ჰკითხოს საკუთარ თავს, რა იქნება ჩვენი შემდეგი ნაბიჯი და არა დარწმუნებული იყოს იმაში, რომ ჩვენ არაფერს კრეატიულს არ გავაკეთებთ და შესაბამისად, შეძლოს თავისი სცენარების დაგეგმვა“, – აღნიშნა სიკორსკიმ.
ამასთან, სიკორსკიმ გაიხსენა, რომ მსგავსი პრეცედენტი უკვე არსებობდა ისტორიაში, კერძოდ, 1950-1953 წლების კორეის ომის დროს, როდესაც მას სახელმწიფოთა კოალიცია გაეროს უშიშროების საბჭოს გადაწყვეტილებით დაეხმარა.
„გახსოვდეთ, გაერთიანებული ერების ორგანიზაციის გენერალურ ასამბლეაზე, შეჭრისთანავე, 190 ქვეყნიდან 140-ზე მეტმა ხმა მისცა აგრესიის დაგმობას. ეს არ არის მხოლოდ განცხადება პრესისთვის, ეს არის სამართლებრივი ბაზის შექმნა“, - განაცხადა სიკორსკიმ.
