საფრანგეთის თავდაცვის მინისტრის, სებასტიან ლეკორნუს განცხადებით, საფრანგეთი უკრაინის ტერიტორიაზე სამხედრო აღჭურვილობის წარმოებას გეგმავს, რათა დაეხმაროს ქვეყანას რუსეთის წინააღმდეგ ომში.
"სამი ფრანგული კომპანია დაამყარებს პარტნიორობას უკრაინულ კომპანიებთან, განსაკუთრებით უპილოტო საფრენი აპარატებისა და სახმელეთო აღჭურვილობის სექტორში, რათა აწარმოოს სათადარიგო ნაწილები უკრაინის ტერიტორიაზე და შესაძლოა საბრძოლო მასალაც. ჩვენი იდეის მიხედვით, პირველი საწარმოო ერთეულები ამ ზაფხულს უნდა ამოქმედდეს." - განაცხადა სებასტიან ლეკორნიუმ.
მისი თქმით, წარმოების დაწყება მიმდინარე წლის ზაფხულში იგეგმება.
