ჩეხეთის პრემიერ-მინისტრმა პეტრ ფიალამ განაცხადა, რომ უკრაინისთვის 300 ათასი ჭურვის შესაძენად თანხები უკვე შეგროვდა.
„მადლობა ყველა ქვეყანას, რომელიც შეუერთდა ჩეხეთის ინიციატივას უკრაინისთვის საბრძოლო მასალის შესაძენად. ჩვენ მოვახერხეთ საკმარისი თანხების შეგროვება 300 ათასი საარტილერიო ჭურვის პირველი პარტიის შესაძენად“, - განაცხადა ფიალამ.
მან დასძინა, რომ ამ ინიციატივის მიზანია უკრაინაში გაცილებით მეტი საბრძოლო მასალის მიწოდება.
"ჩვენი მუშაობა და დახმარება უკრაინისადმი აქ არ მთავრდება. ჩვენ ვაგრძელებთ პარტნიორების ძიებას, რათა გავაგრძელოთ უკრაინის მხარდაჭერა რუსი აგრესორის წინააღმდეგ მამაც ბრძოლაში", - აღნიშნა ჩეხეთის პრემიერ-მინისტრმა.
