საბერძნეთის პრემიერ-მინისტრმა კირიაკოს მიცოტაკისმა, მას შედეც რაც ოდესაში მისი ვიზტის დროს, რუსეთმა სარაკეტო თავდასხმა განახორციელა, განაცხადა, რომ რუსეთი ვერ შეძლებს იმ ქვეყნების დაშინებას, რომლებიც აგრძელებენ უკრაინის მხარდაჭერას.
ამის შესახებ მან ბუქარესტში ევროპის სახალხო პარტიის კონფერენციაზე განაცხადა.
„ჩვენ მხოლოდ ერთი გზავნილი უნდა გვქონდეს კრემლის მიმართ: ვერ დაგვაშინებთ, ჩვენ გავაგრძელებთ უკრაინისა და მისი შესანიშავი ხალხის მხარდაჭერას, ვიდრე საჭირო იქნება“, - განაცხადა მიცოტაკისმა.
მან ხაზგასმით აღნიშნა, რომ ევროკავშირი აგზავნის მკაფიო სიგნალს, რომ ევროპა არასდროს მიიღებს საერთაშორისო სამართლის, ტერიტორიული მთლიანობის ან ძალის გამოყენებით საზღვრების შეცვლას.
შეგახსენებთ, ოდესაში საბერძნეთის პრემერისა და უკრაინის პრეზიდენტის ვიზიტის დროს რუსეთმა სარაკეტო დარტყმა განახორციელა. მედიის ცნობით, აფეთქება 500 მეტრში მოხდა იმ ადგილიდან, სადაც ორი ქვეყნის ლიდერი იმყოფებოდა.
საბერძნეთის პრემიერ-მინისტრმა განაცხადა, რომ თავდასხმის დროს ის და პრეზიდენტი ვოლოდიმირ ზელენსკი ოდესის პორტში იმყოფებოდნენ, მისივე თქმით, აფეთქება მათთან ძალიან ახლოს მოხდა. ბერძნული დელეგაციის წევრებიდან არავინ დაშავებულა. უკრაინული მედიის ინფორმაციიტ, ოდესაში რუსეთის თავდასხმსი შედეგად 5 ადამიანი დაიღუპა.