უკრაინული მედიის ცნობით, ლიეტუვის თავდაცვის სამინისტრომ უკრაინაში სამხედრო დახმარების კიდევ ერთი პაკეტის გაგზავნის შესახებ განაცხადა, რომელიც მოიცავს 155 მმ-იან საარტილერიო საბრძოლო მასალას.
ლიეტუვის თავდაცვის მინისტრმა არვიდას ანუშაუსკასმა აღნიშნა, რომ ლიეტუვა აგზავნის იმას, რაც „უკრაინას ახლა ყველაზე მეტად სჭირდება“.
”ჩვენ გვესმის მათი და ჩვენი დახმარება გრძელდება”, - დასძინა მან.
სამხედრო აღჭურვილობისა და იარაღის გარდა, ლიეტუვას თავისი წვლილი შეაქვს უკრაინის დაცვაში - სამხედროების მომზადების, დაჭრილი ჯარისკაცების მკურნალობისა და რეაბილიტაციის და ექსპერტების კონსულტაციების თვალსაზრისით, ასევეუკრაინის დახმარების ფონდებში შენატანის გზით.
გერმანიის მსოფლიო ეკონომიკის ინსტიტუტის შეფასებით, ლიეტუვამ უკრაინას თავისი მშპ-ის 1.8%-ის ოდენობის დახმარება გაუწია და ამ პარამეტრით ახლა უკრაინის მხარდაჭერის კუთხით ის მსოფლიოში ნომერ პირველი ქვეყანაა.