ოდესაში, რუსული რაკეტა, იმ ადგილიდან 500 მეტრში აფეთქდა, სადაც უკრაინის პრეზიდენტი ვოლოდიმირ ზელენსკი და საბერძნეთის პრემიერ-მინისტრი კირიაკოს მიცოტაკისი იმყოფებოდნენ. ამის შესახებ CNN წყაროზე დაყრდნობით იუწყება.
წყაროს თქმით, ესკორტმა, რომელსაც ორი ქვეყნის ლიდერი გადაჰყავდა, იგრძნო დარტყმის შედეგები და ჯგუფმა დაინახა კვამლი.
CNN აღნიშნავს, რომ ზელენსკი ხშირად ახორციელებს სარისკო გასვლებს ფრონტის ხაზზე და უკრაინაში ხვდება ათეულობით მსოფლიო ლიდერს რუსეთის ომის ორ წელზე მეტი ხნის განმავლობაში, მაგრამ 6 მარტს მომხდარი თავდასხმა შეიძლება იყოს "პრეზიდენტისთვის ერთ-ერთი ზარი".
ამასთან, CNN ხაზს უსვამს, რომ დარტყმის სიახლოვე მიცოტაკისთან, ნატო-ს წევრი ქვეყნის ლიდერთან, ასევე ხაზს უსვამს ამგვარი ვიზიტების საფრთხეს და „კონფლიქტის პოტენციურ გლობალურ შედეგებს“.
მიცოტაკისმა თქვა, რომ ზელენსკიმ მას ოდესის დათვალირება შესთავაზა, ვიდრე საჰაერო თავდასხმის სირენების ხმას გაიგონებდნენ.
„როცა მანქანებში ვსხდებოდით, დიდი აფეთქების ხმა გავიგეთ. ვფიქრობ, ეს ჩვენთვის ყველაზე ნათელი შეხსენებაა, რომ აქ ნამდვილი ომი მიმდინარეობს. ყოველდღე არის ომი, რომელიც ეხება არა მხოლოდ ფრონტს, ჯარისკაცებს, ეს ეხება ჩვენს უდანაშაულო მოქალაქეებს“, - აღნიშნა მიცოტაკისმა ჟურნალისტებთან საუბარისას.
შეგახსნებთ, გუშინ, 6 მარტს, რუსეთმა იერიში მიიტანა ოდესაზე, როდესაც იქ ვოლოდიმირ ზელენსკი და კირიაკოს მიცოტაკისი იმყოფებოდნენ, სარაკეტო თავდასხმის შედეგად დაიღუპა 5 ადამიანი, ასევე არიან დაშავებულები. დარტყმები საპორტო ინფრასტრუქტურის წინააღმდეგ განხორციელდა.
