პრინციპებზე უარის თქმა, იმიტომ, რომ რუსეთს ვასიამოვნოთ, არასწორია, - ამის შესახებ საქართველოს პრეზუდენტმა სალოე ზურაბიშვილმა ჟურნალისტებთან შეხვედარზე განაცხადა.
„მთავარი {ქართული ოცნების} პასუხისმგებლობა, როცა მართავ საგარეო პოლიტიკას, ძალიან რთულ ქვეყანაში, ძალიან რთულ პირობებში, რთულ გარემოში, არის ის, რომ შენი პოლიტიკა გაატარო, ჩვენი პოლიტიკა კი არის, რაც შეიძლება სწრაფად შევიდეთ იმ სივრცეში, სადაც მეტი უსაფრთხოება, მეტი დაცულობა, მეტი განვითარებაა და ეს ისე გავაკეთოთ, რომ ზედმეტი რეაქცია არ გამოვიწვიოთ რუსეთის, თუმცა, წინასწარ ვერავინ იტყვის, რა და რა მომენტში შეიძლება რუსეთს ჰქონდეს არა რეაქცია, არამედ, თავის აქცია. მაგალითად, უკრაინის შემთხვევაში იყო მისი აქცია, აგრესია იყო და არა რეაქცია რაღაც ქმედებებზე. ამიტომ, ძალიან თავის შეკავება და პრინციპებზე უარის თქმა, იმიტომ, რომ ჩვენ ამით რუსეთს ვასიამოვნებთ, არასწორი მგონია“, - განაცხადა ზურაბიშვილმა.
მისი თქმით, ბალანსი და რაღაც ოქროს ხაზი ყველაზე რთული და ყველაზე საჭიროა ამ ქვეყნისთვის ამ მომენტში.
დათმობად მიამჩნია გახშირება ფრენების მოსკოვიდან N რაოდენობით, რომელსაც არ ვაკონტროლებთ, ასევე რუსების შემოსვლა, რომელსაც არ ვაკონტროლებთ. მაგალითი რომ ავიღო, სწორედ ამ რუსების შემოსვლაზე, ძალიან მარტივი იყო, როგორც კი დაიწყო ეს დიდი ტალღა, ჩვენ გვეთქვა, კი მოვიდნენ, კი შემოვიდნენ, მაგრამ ჩვენ შევცვლით ვიზის ხანგრძლივობას, გადავიდეთ 3 თვეზე და გვქონდეს მეტი მართვა იმისთვის, რომ არ შეიქმნას რაღაც ინციდენტები, ამან რაღაც სხვა რეაქციები არ გამოიწვიოს, ეს არ მოხდა. დღეს ეს რომ გააკეთო 2 წლის თავზე, შეიძლება აღქმული იყოს, როგორც კონფრონტაციული ნაბიჯი - როგორ, ის, რაც მიღებულია, შემოვდივარ, გავდივარ, როგორც მინდა, ცოტა შეზღუდვებით, დღეს უკვე შენ რაღაც ჩემს მიმართ აგრესიულ ნაბიჯს იღებ, რომ ამ საშუალებას მიწყვეტ. იგივე არის ფრენებზე, ფრენები შეიძლება დართო ერთი ან ორისთვის, თუ გადაწყვიტე და ერთობლივადაა გადაწყვეტილი, მაგრამ მასიურად რომ უშვებ და რეალურად ამაზე ძალიან ცოტა კონტროლი გვაქვს, თუ რომელიმე დღეს შეიცვლება სიტუაცია, რომ ჩვენ იძულებული გავხდებით ვთქვათ, რომ ეს ზედმეტია, ეს უკვე გამოჩნდება როგორც კონფრონტაციული. ამიტომ წინსწრებით, საჭიროა ვიცოდეთ, რა არის ჩვენთვის მისაღები, რა არ არის მისაღები და ამ პრინციპებს შორის ვმოქმედებდეთ, რომ არ დავთმოთ რაღაცები, რომელიც მერე შეიძლება ძალიან სახიფათო აღმოჩნდეს,"- განაცხადა ზურაბიშვილმა.
