რუსეთისა და მისი პრეზიდენტის ვლადიმირ პუტინის შესაძლებლობა, დააფინანსოს უკრაინის წინააღმდეგ ომი, 2024 წელს უნდა შეიზღუდოს. ამის შესახებ უკრაინის პრეზიდენტმა ვოლოდიმირ ზელენსკიმ ოდესაში საბერძნეთის პრემიერ-მინისტრ კირიაკოს მიცოტაკისთან ერთობლივ პრესკონფერენციაზე განაცხადა.
"წელს ჩვენ უნდა ვიმუშაოთ რაც შეიძლება აქტიურად, რათა შევამციროთ რუსეთის შესაძლებლობა, დააფინანსოს აგრესია. რაც ნაკლები ფული აქვს პუტინს, მით ნაკლებად შეძლებს ხალხის მოკვლას. მას არ სურს მშვიდობა, არ სურს დიპლომატია. ასე რომ, ჩვენ უნდა გავაძლიეროთ სანქციები რუსეთის წინააღმდეგ ამ ტერორის გამო და დავასანქციროთ მკვლელები ყველაფრისთვის, რაც მათ ჩაიდინეს“, - განაცხადა ზელენსკიმ.
მისი თქმით, მნიშვნელოვანია უკრაინის თავდაცვის დახმარება და „რუსული ტერორისა და რუსი ტერორისტების ეკონომიკური პოტენციალის შეზღუდვა.
"მნიშვნელოვანია სისხლის სამართლის საერთაშორისო სასამართლოს მუშაობის მხარდაჭერა და რუსული დეზინფორმაციის წინააღმდეგ ბრძოლა. ჩვენ ყოველდღე უნდა მივუახლოვდეთ სამართლიან სამყაროს", - აღნიშნა უკრაინის პრეზიდენტმა.
