ბელგიამ ბოლო თვეებში გააძევა ათობით ე.წ. რუსი დიპლომატი. რომლებიც აშკარა ჯაშუშები იყვნენ. ამის შესახებ პრემიერ-მინისტრმა ალექსანდრ დე კროომ განაცხადა.
შეკითხვაზე, სიფრთხილით უნდა მოეკიდოს თუ არა ბელგია რუსეთის მიერ ქვეყნის დემოკრატიის დესტაბილიზაციის შესაძლო მცდელობებს, დე კროომ უპასუხა, რომ ეს მცდელობები უკვე ხდება.
"ბოლო თვეებში ბელგიამ ქვეყნიდან ათობით ე.წ. რუსი დიპლომატის დეპორტაცია მოახდინა. იყვნენ თუ არა ისინი ჯაშუშები? ცხადია, დიახ", - თქვა მან.
დე კროოს თქმით, რუსეთი ბელგიას სხვა გზებით უტევს.
“როდესაც გამოვდივართ რუსეთის წინააღმდეგ, ვიცით, რომ ძალიან ხშირად ჩვენი ვებგვერდები ხდება კიბერშეტევების სამიზნე მომდევნო საათებში”, - თქვა მან.