სლოვაკეთის პრემიერ-მინისტრმა რობერტ ფიცომ განაცხადა, რომ იტალიას სლოვაკეთიდან SAMP/T საჰაერო თავდაცვის სისტემა გააქვს.
„მე მივიღე შეტყობინება იტალიის მთავრობისგან, რომ იტალიის საჰაერო თავდაცვის სისტემა, რომელიც ერთი წლით არენდით გადმოგვცეს, გაიტანენ სლოვაკეთიდან, რადგან ის სხვაგან სჭირდებათ“, - თქვა ფიცომ.
მისი თქმით, სტრატეგიული ობიექტები, კერძოდ, ატომური ელექტროსადგურები დაუცველი რჩება. მან დასძინა, რომ წინა ხელისუფლებამ უკრაინას მოქმედი რუსული S-300 საჰაერო თავდაცვის სისტემა „აჩუქა“.
„მაშინ გარკვეული დროით გვქონდა ამერიკული Patriot-ის სისტემები, მერე წავიდნენ და ახლა იტალიელებიც მიდიან“, - თქვა სლოვაკეთის პრემიერ-მინისტრმა.
იტალიურმა SAMP/T საჰაერო თავდაცვის სისტემამ გასულ წელს ამერიკული Patriot შეცვალა. სლოვაკეთმა უკრაინას S-300 მიაწოდა 2022 წელს რუსეთის ფართომასშტაბიანი შჭრის შემდეგ.