აშშ-ის პრეზიდენტის ჯო ბაიდენის ადმინისტრაციამ განაცხადა, რომ ისრაელი ფაქტობრივად დათანხმდა წინადადებას ღაზაში ექვსკვირიანი ცეცხლის შეწყვეტის შესახებ. იუწყება CNN ადმინისტრაციის წყაროზე დაყრდნობით.
CNN აღნიშნავს, რომ ექვსკვირიანი ცეცხლის შეწყვეტის შემდეგ შესაძლებელი გახდება ღაზაში მძევლების გათავისუფლება და ასევე ჰუმანიტარული დახმარების მიწოდება.
წყაროს თქმით, არსებობს „ჩარჩო შეთანხმება“, რომელიც ისრაელმა „მეტ-ნაკლებად მიიღო“.
ამასთან, მისივე თქმით, დაბრკოლება ის არის, რომ ჰამასი ჯერ კიდევ ადგენს იმ მძევლების სიას, რომელთა გათავისუფლებასაც დათანხმდება.
აშშ-ის პრეზიდენტმა ჯო ბაიდენმა 1-ელ მარტს განაცხადა, რომ შეერთებული შტატები დაიწყებს ღაზის სექტორის მოსახლეობისთვის სასურსათო დახმარების გაგზავნას გაღრმავებული ჰუმანიტარული კრიზისისა და სახმელეთო დახმარების მიწოდების სირთულეების ფონზე.
გუშინ, 2 მარტს ამერიკელმა სამხედროებმა ღაზას ჰუმანიტარული დახმარების პირველი ტვირთი საჰაერო გზით მიაწოდეს.