რუსეთში, ოპოზიციონერი პოლიტიკოსის ალექსეი ნავალნის ხსოვნისადმი მიძღვნილ ღ ონისძიებებზე, უსაფრთხოების ძალებმა სულ მცირე 50 ადამიანი დააკავეს.
ნოვოსიბირსკში დააკავეს 18 ადამიანი, მათ შორის ადგილობრივი ორგანოს დეპუტატი ანტონ კარტავინი, წერს Sota. ეკატერინბურგში, ტატიშჩევისა და დე გენინის ძეგლთან, 10 ადამიანი დააკავეს ყვავილების დადების გამო, განაცხადა „ვეჩერნიე ვედომოსტის“ მთავარმა რედაქტორმა ვლადისლავ პოსტნიკოვმა.
დაკავებები იყო ნავალნის დაკრძალვაზეც. მოსკოვის ორგანიზაცია „იაბლოკოს“ თავმჯდომარის მოადგილე ანდრეი მორევი დააკავეს მეტროში, მაგრამ გაათავისუფლეს. არხი Avtozak-ი იუწყება მოსკოვში მამაკაცის დაკავების შესახებ, რომელიც ყვიროდა: "ვინ მოკლა ნავალნი?"
„ოვდ-ინფოს“ განმარტებით, მოსკოვში ამჟამად ექვსი დაკავებულია, ვორონეჟის რეგიონში 10 ადამიანი დააკავეს, რომელბიც პოლიტიკოსის დაკრძალვაზე მიდიოდნენ, პოლიციამ თითქმის ყველა გაათავისუფლა, გარდა ბორის ნადეჟდინის შტაბის კოორდინატორის, პაველ სიჩევისა. დაკავებები ასევე მოხდა სხვა ქალაქებში: ნიჟნევარტოვსკში, ულან-უდეში, ვლადიკავკაზში, ნიჟნი ნოვგოროდში, ყაზანში, ნოვოსიბირსკში და ზლატოუსტში.
მოსკოვში ოპოზიციონერი პოლიტიკოსის დაკრძალვის ცერემონიამდე პოლიციამ რამდენიმე ადამიანი დააკავა.
