სასჯელაღსრულების, პრობაციისა და იურიდიული დახმარების საკითხთა სამინისტრომ მიმდინარე წელს დაგეგმილ სამუშაოებს გადააჭარბა.
ამის შესახებ უწყების ხელმძღვანელმა ხათუნა კალმახელიძემ ჟურნალსტებს მთავრობის დღევანდელი სხდომის დაწყების წინ, მიმდინარე წლის სამუშაოების შეჯამებისას განუცხადა.
"წლევანდლი გეგმები არათუ შევასრულეთ, არამედ გადავაჭარბეთ. მაგალითად, გრძელვადიანი პაემნების დასანერგად შენდება ინფრასტრუქტურა, რომელიც 2010 წლის გეგმებით გათვალისწინებული არ იყო", - განმარტა კალმახელიძემ.
ამასთან მისივე თქმით, მნიშვნელოვნად გაუმჯობესდა მსჯავრდებულთა საცხოვრებელი პირობები რაც სახალხო დამცველის ანგარიშშიც არის ნათქვამი.
"წელს სამი ახალი საპყრობილე გაიხსნა მათ შორის ორი რუსთავში ერთი კი ქსანში. ამით მნიშვნელოვნად გაუმჯობესდა მსჯავრდებულთა საცხოვრებელი პირობები. წინსვლა გავქვს სამედიცინო თვალსაზრისითაც - დაინერგა სამედიცინო ბარათბეის სისტემა და თითქმის ყველა დაწესებულებაში გაიხსნა სტომატოლოგიური კაბინეტი" - აღნიშნა მინისტრმა. გარდა ამისა, ხათუნა კალმახელიძე სასჯელთაღსურლების სისტემაში მიღწეულ ერთ-ერთ წარმატებად მიიჩნევს მთელი ქვეყნის მასშტაბით პრობაციის ოფისების გახსნასა და რესოციალიზაციის ფარგლებში მსჯავრდებულთა დასაქმების ხელშეწყობას.
"იხსნება მცირე საწარმოები პრობაციონერი მსჯავრდებულების დასაქმებისთვის. ყველა ეს პროგრესი სახალხო დამცველის აპარატის მიერ ცატარებული მონიტორინგის შედეგად გამოქვეყნებულ დასკვნებში არის ასახული" - დასძინა კალმახელიძემ.
სასჯელთაღსურლების, პრობაციისა და იურიდიული დახმარების საკითხთა მინისტრის თქმით, მისი უწყება ყველა აღნიშნული მიმართულებით მუშაობას მომავალ წელსაც გააგრძელებს, რის შედეგადაც "ორ-სამ წელიწადში საქართველოს პრობაციისა და პენიტენციალური სისტემა ევროპაში ერთ-ერთი სამაგალითო გახდება".
