გლობალური სამხედრო ხარჯები წინა წელთან შედარებით 9%-ით გაიზარდა და რეკორდულ 2.2 ტრილიონ დოლარამდე მიაღწია.
ახლახან გამოქვეყნებული კვლევის თანახმად, თავდაცვის ხარჯები 2024 წელსაც განაგრძობს აღმასვლას.
სტრატეგიული კვლევების საერთაშორისო ინსტიტუტის (IISS) გამოქვეყნებული ანგარიშის თანახმად, რომელიც გლობალური სამხედრო ძალების ბალანსის შეფასებას ახდენს, რუსეთი, რომელსაც უკრაინაში ომი აქვს გაჩაღებული, ყოველწლიური ხარჯების 30%-ს გამოყოფს შეიარაღებაზე.
ანგარიშის თანახმად, რუსეთის შეიარაღებულმა ძალებმა დაკარგა 3 000-ზე მეტი ძირითადი საბრძოლო ტანკი უკრაინაში. ახლა მოსკოვი იყენებს მარაგებს, რათა შეავსოს დაკანარგები.
სამხედრო ხარჯები გაზარდეს ნატო-მ და ჩინეთმაც.
ამერიკის შეერთებული შტატების გამოკლებით, რომელსაც მსოფლიოში ყველაზე ძლიერი არმია ჰყავს, ნატოს მოკავშირეებმა გასული ათწლეულის განმავლობაში გაზარდეს ერთობლივი თავდაცვის ხარჯები თითქმის მესამედით.
IISS-ის ანალიტიკოსის თქმით, აშშ და ევროპა კიდევ უფრო აძლიერებენ რაკეტებისა და საბრძოლო მასალის წარმოებას, აქცენტით არტილერიისა და საჰაერო თავდაცვის სისტემებზე.
ქვეყნები, მათ შორის ჩინეთი და რუსეთი, ასევე ყურადღებას ამახვილებენ ახალ ტექნოლოგიაზე, როგორიცაა ჰიპერბგერითი რაკეტები და უპილოტო აპარატები.
ანალიტიკოსის თქმით, დღის წესრიგში ასევე დაბრუნდა ბირთვული იარაღის განახლება. ამ მიმართულებით გამოირჩევიან აშშ და ჩინეთი.
სტრატეგიული კვლევების საერთაშორისო ინსტიტუტი 65 წელია აკვირდება მსოფლიოს ქვეყნების სამხედრო ძალების განვითარებას.
