ავსტრიის ენერგეტის მინისტრის ლეონორ გევესლერის განცხადებით, ვენას განზრახული აქვს, შეწყვიტოს გრძელვადიანი კონტრაქტები რუსეთიდან გაზის მიწოდებაზე.
"ჩვენ უნდა ვიპოვოთ გზა, დავტოვოთ ეს შეთანხმებები, რომელივ ავსტრიულმა ნავთობისა და გაზის კონცერნმა OMV-მა გააფორმა რუსულ ენერგეტიკულ გიგანტ "გაზპრომთან", - განაცხადა გევესლერმა 12 თებერვალს.
"რუსულ გაზზე ჭარბი დამოკიდებულება სერიოზულ საფრთხეს უქმნის ავსტრიის ეკონომიკასა და უსაფრთხოებას", - აღნიშნა მინისტრმა.
მისი თქმით, ავსტრიის გაზის იმპორტში რუსეთის მაღალ წილს სწორედ გრძელვადიანი კონტრაქტები განაპიროებებს.
რუსეთის წილი ავსტრიის გაზის იმპორტში 2023 წლის დეკემბერში 98%-მდე გაიზარდა.
"გაზპრომთან" კონტრაქტები 2018 წლის დასაწყისში 2040 წლამდე გაგრძელდა. კონტრაქტები ითვალისწინებს დიდი მოცულობის ბუნებრივი აირის სავალდებულო შესყიდვას.
ავსტრიული კონცერნი (OMV) გამოეხმაურა მინისტრის განცხადებას და განაცხადა, რომ თუ მთავრობას სურს კონტრაქტების გაუქმება, ამისთვის სამართლებრივი საფუძველი უნდა შეიქმნას.